ഏതു ദൈവമാണു ഒളിച്ചിരിക്കുന്നത്?

ദൈവം ഒളിച്ചിരിക്കുകയാണെന്നും അതു പരീക്ഷണം നടത്താനാണെന്നുമാണു മതവാദികള് പറയുന്നത്. അങ്ങനെ എന്കില് ……………..
* ഏതു ദൈവമാണു ഒളിച്ചിരിക്കുന്നത്?
* എത്ര ദൈവങ്ങളാണു ഒളിച്ചിരിക്കുന്നത്?
* എങ്ങനെയുള്ള പരീക്ഷണമാണു ദൈവം നടത്തുന്നത്?
* എന്തിനാണു ദൈവം പരീക്ഷണം നടത്തുന്നത്?
* ദൈവത്തിന്റെ/ദൈവങ്ങളുടെ പരീക്ഷണങ്ങളെ നമ്മള്ക്ക് എങ്ങനെ തിരിച്ചറിയാനാവും?
ഉദാഹരണത്തിനു:-
ക്രിസ്തുവില് വിശ്വസിക്കുന്നവര്ക്കു മാത്രമേ രക്ഷ കിട്ടൂ എന്നും മുഹമ്മദ് ദൈവത്തിന്റെ പ്രവാചകനാവാന് നിവൃത്തിയില്ല എന്നും ക്രിസ്ത്യാനികള് ഉറച്ചു വിശ്വസിക്കുന്നു. (വാളുമായി മതം പ്രചരിപ്പിക്കുക എന്നതു ദൈവീക പ്രവാചകത്വത്തിന്റെ ലക്ഷണമല്ല എന്നാണവരുടെ പ്രധാന ന്യായം) മുഹമ്മദ് പിശാചിന്റെ ദൂ‍തനാ‍വാനുള്ള സാധ്യതയാണു ചില ക്രിസ്ത്യന്‍ ചിന്തകര്‍ വ്യക്തമായി സൂചിപ്പിക്കുന്നത്.
ക്രിസ്ത്യാനികള് വഴി പിഴച്ചു പോയി എന്നും മുഹമ്മദ് പറയുന്നതാണു അവസാനത്തെ ദൈവകല്പനകള് എന്നു മുസ്ലിംങ്ങളും അവകാശപ്പെടുന്നു. (ദൈവത്തിനു മക്കളുണ്ടായിക്കൂടാ എന്നാണിവരുടെ ശാഠ്യം)
* ഇതില് ഏതെങ്കിലും ഒന്നു സത്യമാണെങ്കില് നമുക്ക് എങ്ങനെ അതു തിരിച്ചറിയാനാകും?
* ഈ രണ്ടു മതവും തെറ്റും ദൈവം തീര്ത്തും വ്യത്യസ്തമായ മറ്റൊരാളോ മറ്റനേകം പേരോ ആണെങ്കില് ആ പരീക്ഷണം നാം എങ്ങനെ അതിജീവിക്കും?
സ്വതന്ത്ര ചിന്തയും യുക്തിബോധവും മാത്രമേ നമ്മുടെ പക്കല് താരതമ്യത്തിനായുള്ള ടൂള് ഉള്ളു!
അതു പ്രയോജനപ്പെടുത്തിയാല് ഈ പറയുന്ന എല്ലാ കഥകളും യുക്തിഹീനവും വിരോധാഭാസവുമാണെന്നു വ്യക്തമാകുന്നു.
മറ്റെന്തു മാനദണ്ഡപ്രകാരമാണു നാം ഒരു ദൈവത്തെ താരതമ്യം ചെയ്തു തെരഞ്ഞെടുക്കുക?