എന്നാല്‍ ജീവിച്ചിരിക്കുന്നതോ മരിച്ചതോ ആയ മറ്റേത് മനുഷ്യനെക്കുറിച്ചും ആരും പ്രയോഗിക്കാത്ത അത്രയും കടുത്ത അശ്ലീല പ്രയോഗങ്ങള്‍ മുഹമ്മദ് നബിയെക്കുറിച്ചാകുമ്പോള്‍ അതാണ് യുക്തി. ഇസ്‌ലാമിനെതിരെ പ്രതികരിക്കുമ്പോള്‍ ഡോസ് കൂട്ടണമെന്ന തത്വശാസ്ത്രവും. ഈ വിഷയത്തില്‍ ചര്‍ച നീട്ടികൊണ്ടു പോകാന്‍ എനിക്ക് ഇനി താല്‍പര്യമില്ല....
_____________________________________________________________________
അടുത്ത കാലത്തായി എന്റെ ബ്ലോഗിലെത്തി മറുപടി പറഞ്ഞുകൊണ്ടിരിക്കുന്ന സി കെ ലത്തീഫിന്റെ ഒടുവിലെ കമന്റുകളിലൊന്നില്‍ കണ്ടതാണു മേല്‍ ഉദ്ധരിച്ചിരിക്കുന്ന വരികള്‍ . അദ്ദേഹം രംഗത്തു വന്നതില്‍ പിന്നെ അവതരിപ്പിച്ച ഏതെങ്കിലും കുറിപ്പിലെ പ്രത്യേക പരാമര്‍ശങ്ങളെയാണോ ഇവിടെ ഉദ്ദേശിക്കുന്നത് എന്നു വ്യക്തമല്ല. അതോ മുമ്പു തന്നെ രംഗത്തുണ്ടായിരുന്നവരും പിന്നീട് ഇതേ കാരണം പറഞ്ഞു പിന്മാറിയരുമായ ചില സുഹൃത്തുക്കളുടെ സമ്മര്‍ദ്ദമാണോ എന്നും അറിയില്ല. ഏതായാലും ഈ ആരോപണത്തിന്റെ മനശ്ശാസ്ത്രവും വസ്തുതയും അല്‍പ്പമൊന്നു വിശദീകരിക്കണമെന്നു തോന്നുന്നു. ഞാന്‍ ഇസ്ലാം എന്ന പ്രത്യയശാസ്ത്രത്തിന്റെ പോരായ്മകളും വൈരുദ്ധ്യങ്ങളും ചൂണ്ടിക്കാണിക്കാനാണു ശ്രമിച്ചുകൊണ്ടിരിക്കുന്നതെന്ന് എന്നെ വായിക്കുന്ന എല്ലാവര്‍ക്കും അറിയാം. ഇസ്ലാമില്‍ മുഹമ്മദ് നബി വെറും ഒരു മനുഷ്യനോ നേതാവോ മാത്രമല്ല. മുസ്ലിം മനസ്സുകളില്‍ അല്ലാഹു എന്ന ദൈവത്തോടൊപ്പം -ഒരു പക്ഷെ ദൈവത്തെക്കാള്‍ ഒരു പടി ഉയരത്തില്‍- പ്രതിഷ്ഠിക്കപ്പെട്ടിട്ടുള്ള ഒരു ആരാധ്യബിംബമാണു നബി. അദ്ദേഹത്തിന്റെ ദിന ചര്യകളെ അതേ പടി അനുകരിക്കലാണു ലോകമുള്ളേടത്തോളം കാലം മനുഷ്യ സമൂഹത്തിന്റെ മൊത്തം കടമയെന്നാണു ശരാശരി മുസ്ലിമിന്റെ വിശ്വാസം. അതിനാല്‍ തന്നെ അദ്ദേഹത്തെകുറിച്ചുള്ള ഏതൊരു പരാമര്‍ശവും വിശ്വാസിവൃന്ദത്തിനു വളരെ ഗൌരവമുള്ള കാര്യം തന്നെയായിരിക്കും.
എന്റെ വിമര്‍ശനങ്ങളില്‍ നബി ഒരു പരാമര്‍ശവിഷയമായി കടന്നു വരുന്നതിന്റെ കാരണവും മറ്റൊന്നല്ല. നബി ജീവിച്ചിരുന്ന കാലഘട്ടവും ദേശവും അന്നത്തെ സംസ്കാരവും മൂല്യനിലവാരവുമൊന്നും പരിഗണിക്കാതെ അദ്ദേഹത്തിന്റെ ചെയ്തികളെ അതേ പടി അനുകരിക്കണം എന്ന മൂഡവിശ്വാസമാണു വിമര്‍ശനവിധേയമാകേണ്ടതെന്നു ഞാന്‍ കരുതുന്നു. ഞാന്‍ നബിയെക്കുറിച്ച് അശ്ലീലം പറയുന്നു എന്ന് ആരോപിക്കുന്നവരെ അങ്ങനെ പറയാന്‍ പ്രേരിപ്പിക്കുന്ന മനശ്ശാസ്ത്രം എന്താണ്? നബിയെ കുറിച്ച് വസ്തുതാവിരുദ്ധമായ എന്തെങ്കിലും ആരോപണം ഞാനോ മറ്റു വിമര്‍ശകരോ ഉന്നയിച്ചിട്ടുണ്ടോ? അശ്ലീലം എന്നു വിശേഷിപ്പിക്കാവുന്ന എന്തു കാര്യമാണു പ്രവാചകനെക്കുറിച്ചു പറഞ്ഞിട്ടുള്ളത്? ഇതൊക്കെ കൂടുതല്‍ വിശകലനം വേണ്ടകാര്യങ്ങളാണെന്നു തോന്നുന്നു.
അശ്ലീലവും ശ്ലീലവും ശരിതെറ്റുകളുമൊക്കെ ആപേക്ഷികവും കാലദേശ ബന്ധിതവുമാണെന്നു ഞാന്‍ ആദ്യമേ വിവരിച്ചിട്ടുള്ളതാണ്. അതുകൊണ്ടു തന്നെ നബിയെക്കുറിച്ച് ഞാന്‍ പറഞ്ഞിട്ടുള്ള ഒരു കാര്യവും അശ്ലീലമാണെന്നോ തെറ്റാണെന്നോ എനിക്കു തോന്നിയിട്ടില്ല. അദ്ദേഹം ചെയ്തതെല്ലാം ശ്ലീലവും ശരിയും ആയിരുന്നു. ആ കാല‍ത്തിന്റെ മൂല്യസങ്കല്‍പ്പങ്ങള്‍ക്കനുസൃതമായിരുന്നു എന്നര്‍ത്ഥം. എന്നാല്‍ ഇന്നത്തെ മൂല്യബോധമനുസരിച്ച് നബിചര്യകളെ നോക്കിക്കാണുമ്പോള്‍ അതില്‍ പലതും നമുക്ക് അശ്ലീലമായും സദാചാരവിരുദ്ധമായും അനുഭവപ്പെടാം. ഈ അടിസ്ഥാന വസ്തുത കണക്കിലെടുക്കാതെ നബിയെ ഇകഴ്ത്തുന്നു അവഹേളിക്കുന്നു എന്നൊക്കെ അരോപിക്കുകയാണു വിശ്വാസികള്‍ . വിമര്‍ശകര്‍ നബിചര്യകളെ ഇന്നത്തെ കോണ്ടക്സ്റ്റില്‍ വിലയിരുത്തുന്നത് നബി വളരെ മോശക്കാരനായിരുന്നു എന്നു സ്ഥാപിക്കാനല്ല. അദ്ദേഹം ജീവിച്ച കാലത്തെ ശരിതെറ്റുകളുടെ അടിസ്ഥാന്ത്തിലല്ല ഇന്നും നാളെയും മനുഷ്യര്‍ ജീവിതം നയിക്കേണ്ടത് എന്നു വിശ്വാസികളെ ധരിപ്പിക്കാന്‍ മാത്രമാണ്.
ഉദാഹരണങ്ങള്‍ പറഞ്ഞാല്‍ പിന്നെയും ഇതേ ആരോപണം വന്നേക്കാം. പക്ഷെ അതുകൊണ്ടു മാത്രം പറയാതിരിക്കാനാവില്ല. പറയുന്നത് നബിയെ അവഹേളിക്കാനല്ല എന്നു മനസ്സിലാക്കുക.
മുഹമ്മദ് നബിക്ക് അനേകം ഭാര്യമാരുണ്ടായിരുന്നു എന്ന പരാമര്‍ശമാണ് “അശ്ലീലം” എങ്കില്‍ ആ അശ്ലീലം മതപാഠശാലകളിലെ കുട്ടികളെപ്പോലും പഠിപ്പിക്കുന്നത് എന്തടിസ്ഥാനത്തില്‍ ? അദ്ദേഹത്തിന്റെ ഭാര്യമാരുടെ എണ്ണമെത്ര എന്ന കാര്യത്തില്‍ പോലും ചരിത്രകാരന്മാര്‍ക്കിടയില്‍ തര്‍ക്കമാണ്. ആ തര്‍ക്കം പോലും മതപാഠശാലകളില്‍ പഠിപ്പിക്കുന്നു എന്തിന്? നല്ല മനുഷ്യരായി നമ്മുടെ കുട്ടികള്‍ വളരാന്‍ നബിയുടെ വ്യക്തിജീവിതത്തിലെ അപ്രസക്തമായ കാര്യങ്ങള്‍ പഠിക്കേണ്ടതുണ്ടോ? അദ്ദേഹത്തിനു വെപ്പാട്ടിയുണ്ടായിരുന്നുവെന്നും ആ വെപ്പാട്ടിയില്‍ അദ്ദേഹത്തിനു കുട്ടി ജനിച്ചുവെന്നും ഞാന്‍ മദ്രസയില്‍ പഠിച്ചിട്ടുണ്ട്. അതു പഠിച്ച പ്രായത്തില്‍ എന്താണു വെപ്പാട്ടി എന്ന് എനിക്കു മനസ്സിലായിരുന്നില്ല. ഇബ്രാഹിം നബിക്കും വെപ്പാട്ടിയിലാണു കുട്ടി ജനിച്ചതെന്നു മദ്രസയില്‍ പഠിപ്പിച്ചിരുന്നു. ഇന്നത്തെ ഒരു മൂല്യ ബോധമുള്‍ക്കൊണ്ടു ചിന്തിക്കുമ്പോള്‍ ഇതൊക്കെ അശ്ലീലമാണ്. അതുകൊണ്ട് ഈ പരാമര്‍ശങ്ങളൊക്കെ പ്രവാചകനിന്ദയും അശ്ലീലവുമാണെന്നു പറയാനാകുമോ? അങ്ങനെയെങ്കില്‍ നബിയുടെ ജീവിതം അപ്പാടെ അശ്ലീലമയം ആണെന്നു പറയേണ്ടി വരും. ശരിതെറ്റുകളെ കുറിച്ചുള്ള ഈ അടിസ്ഥാനപ്രശ്നത്തില്‍ തന്നെയാണു നാം തമ്മിലുള്ള തര്‍ക്കം. അതു മനസ്സിലാക്കിത്തരാന്‍ വേണ്ടി ത്തന്നെയാണു നബിജീവിതത്തിലെ ഇത്തരം കാര്യങ്ങള്‍ ചര്‍ച്ച ചെയ്യുന്നത്. അതൊന്നും ഇന്നത്തെ വിശ്വാസി സുഹൃത്തുക്കള്‍ക്കു ഇഷ്ടപ്പെടാതിരിക്കുന്നതിന്റെ മനശ്ശാസ്ത്രവും അതു തന്നെ. നമ്മുടെ നബിയുടെ ചര്യകള്‍ പലതും അശ്ലീലമായിരുന്നു എന്നു നമുക്കു തന്നെ തോന്നുന്നു എന്നതാണു പ്രശ്നം. അങ്ങനെ തോന്നേണ്ടതില്ല എന്നാണെനിക്കു മാന്യസുഹൃത്തുക്കളോടു പറയാനുള്ളത്. നബി ജീവിച്ച കാലത്തല്ല നാം ജീവിക്കുന്നത്. അദ്ദേഹത്തിന്റെ ദിനചര്യകളെ അനുകരിക്കലല്ല നമ്മുടെ കടമ. അത്രയും അംഗീകരിച്ചാല്‍ ഈ അശ്ലീലാരോപണത്തില്‍ കഴമ്പില്ലെന്നു മനസ്സിലാക്കാന്‍ പ്രായാസമുണ്ടാകില്ല.
നബി 50 വയസ്സിനു മുകളില്‍ പ്രായമുള്ളപ്പോള്‍ വെറും ആറു വയസ്സുള്ള [ഒമ്പതെന്നും തര്‍ക്കം] പിഞ്ചു ബാലികയെ കല്യാണം കഴിച്ചു. അത് അശ്ലീലമായിരുന്നില്ല അന്ന്. ഇന്നോ? അശ്ലീലമാണെന്നു നമുക്കു തന്നെ സമ്മതിക്കേണ്ടി വരുന്നു. അതുകൊണ്ടാണല്ലോ ഇക്കാര്യമൊക്കെ വിമര്‍ശകര്‍ പറയുമ്പോള്‍ നബിയെ അവഹേളിക്കുന്നു എന്നു വിശ്വാസികള്‍ക്കു തോന്നുന്നത്. നബി ഒട്ടകപ്പുറത്തു യാത്ര ചെയ്തു എന്നു പറയുമ്പോള്‍ അദ്ദേഹത്തെ നാം കൊച്ചാക്കുന്നു എന്ന് ആര്‍ക്കും തോന്നാനിടയില്ല. എന്നാല്‍ നമ്മളെല്ലാരും ഇക്കാലത്തും ഒട്ടകപ്പുറത്തേ യാത്ര ചെയ്യാവൂ, അതാണു സുന്നത്ത് എന്ന് ആരെങ്കിലും പറഞ്ഞാല്‍ ഇന്ന് അതാകും അശ്ലീലം! ലതീഫിന്റെ രണ്ടാംക്ലാസില്‍ പഠിക്കുന്ന മകളെ “പെണ്ണു കാണാനും” കല്യാണമാലോചിക്കാനുമായി ശൈഖ് മുഹമ്മദോ കാട്ടിപ്പരുത്തിയോ വീട്ട്ല് വന്നാല്‍ ലതീഫ് അവരെ സ്വീകരിക്കുക ചൂലുകൊണ്ടായിരിക്കുമെന്ന് നമുക്കൊക്കെ ഉറപ്പല്ലേ? എന്താ പ്രവാചകചര്യയനുസരിച്ചല്ലേ ഞാന്‍ വന്നത് എന്നു അവര്‍ ചോദിച്ചാലോ? കാര്യം ചൂലിനും അപ്പുറത്തേക്കാകും ! ഇതു ഞാന്‍ നിങ്ങളെ കളിയാക്കാനോ പ്രകോപിപ്പിക്കാനോ പറഞ്ഞതല്ല. ശ്ലീലവും അശ്ലീലവുമൊക്കെ കാലദേശ ഭേദങ്ങള്‍ക്കനുസൃതമാണെന്നു ചൂണ്ടിക്കാണിക്കാന്‍ മാതം ഉദ്ദേശിച്ചു പറഞ്ഞതാണ്.
പ്രവാചകന് നിരവധി ഗോത്രങ്ങളെ പതുങ്ങിച്ചെന്ന് ആക്രമിക്കുകയും കൊള്ള ചെയ്യുകയും ചെയ്തുവെന്നു ചരിത്രകാരന്മാരും ഹദീസ് കര്‍ത്താക്കളും സാക്ഷാല്‍ കുര്‍ ആന്‍ തന്നെയും നമ്മോടു പറയുന്നു. ഇക്കാര്യം ഞാന്‍ ഉദ്ധരിച്ചാല്‍ ഞാന്‍ നബിയെ കൊള്ളക്കാരനാക്കി എന്നാണാരോപണം. ഇവിടെയും നാം ആ കാല‍ഘട്ടത്തിന്റെ സംസ്കാരവും രീതികളും ഉള്‍ക്കൊള്ളാതെയാണു ആരോപണപ്രത്യാരോപണങ്ങള്‍ നടത്തുന്നത്. കൊള്ള അക്കാല‍ത്ത് ഒരു ക്രിമിനല്‍ കുറ്റമായിരുന്നില്ല. വെറും ഒരു സാധാരണ ഉപജീവനമാര്‍ഗ്ഗവും അംഗീകൃത തൊഴിലും ആയിരുന്നു. ഇന്ന് അങ്ങനെ പറഞ്ഞാല്‍ നമുക്കതുള്‍ക്കൊള്ളാനേ കഴിയില്ല. കാരണം ഇന്നത്തെ മൂല്യബോധം ഒരുപാടു മാറി എന്നതാണ്. നബി കൊള്ള നടത്തിയെന്നും അല്ലാഹു തനെ അതിനനുവാദം നല്‍കിയെന്നുമൊക്കെ ഈ മത ഗ്രന്ഥങ്ങളില്‍ വ്യക്തമായി രേഖപ്പെടുത്തി വെക്കാന്‍ കാരണവും, അതൊക്കെ തെറ്റാണെന്ന് ആ ഗ്രന്ഥകാരന്മാര്‍ക്കു പോലും അക്കാല‍ത്തു തോന്നിയിരുന്നില്ല എന്നതാണ്. പറഞ്ഞു വരുന്നത്; നബിയെ അവഹേളിക്കുക എന്നതല്ല ഇവിടെ വിമര്‍ശനത്തിന്റെ ലക്ഷ്യം ; മറിച്ച് മനുഷ്യന്റെ മൂല്യസങ്കല്‍പ്പങ്ങളിലുള്ള മാറ്റം സൂചിപ്പിക്കുക എന്നതാണ്.
അറേബ്യന്‍ കഥകളിലെല്ലാം തന്നെ മുഖ്യ കഥാപാത്രവും വില്ലനുമായി പ്രത്യക്ഷപ്പെടുന്നത് ജിന്നുകളാണ്. ജിന്ന് പിശാച് മലക്ക് തുടങ്ങിയ അന്ധവിശ്വാസങ്ങള്‍ അറബ് ജീവിതത്തിന്റെ ഒഴിച്ചുകൂടാനാവാത്ത സാന്നിധ്യമയിരുന്നു. സ്വാഭാവികമായും മുഹമ്മദും ഈ വിശ്വാസങ്ങളെ ആവാഹിച്ചിരുന്നു. അതൊക്കെ കുര്‍ ആനിലും ഹദീസിലും സ്ഥാനം പിടിച്ചു. ഒരിക്കല്‍ കൂടോത്രം ബാധിച്ചതിനാല്‍ നബിക്കു സമനില തെറ്റിയതായി ആയിശയെ ഉദ്ധരിച്ചു കൊണ്ട് ബുഖാരി രേഖപ്പെടുത്തിയിരിക്കുന്നു. ആ ഹദീസ് വിമര്‍ശകര്‍ ഉദ്ധരിച്ചാല്‍ , നബിയെ പ്രാന്തനാക്കി അവഹേളിച്ചു എന്ന് പരാതിപ്പെട്ടിട്ടെന്തു കാര്യം? ആ കാല‍ത്ത് മനശ്ശാസ്ത്രമൊന്നും ഇന്നത്തെ പോലെ പുരോഗമിച്ചിരുന്നില്ല. ജിന്നും മാരണവുമൊക്കെ വെറും മിഥ്യാനുഭവങ്ങളാണെന്നു നാമിന്നു മനസ്സിലാക്കുന്നു. അതാണിക്കാര്യങ്ങളൊക്കെ കാണുമ്പോള്‍ നാം അസ്വസ്ഥരാകാന്‍ കാരണം. അതൊന്നും നബിയുടെ കുറ്റമോ വിമര്‍ശകരുടെ കുറ്റമോ അല്ലെന്നു മനസ്സിലാക്കുക.
കൂടുതല്‍ ഉദാഹരണങ്ങളിലേക്കു പോകുന്നില്ല. ലതീഫ് പറഞ്ഞ ഒരു കാര്യം ആവര്‍ത്തിക്കുന്നു. കാല ദേശ സന്ദര്‍ഭങ്ങള്‍ക്കനുസരിച്ചു നമ്മുടെ യുക്തിയുപയോഗിച്ചാണു നമ്മള്‍ ശരിതെറ്റുകളെ നിര്‍ണയിക്കേണ്ടത്. പതിനാലു നൂറ്റാണ്ടു മുമ്പ് അന്നത്തെ പരിമിതികള്‍ക്കുള്ളീല്‍നിന്നുകൊണ്ട് മനുഷ്യര്‍ സൃഷ്ടിച്ചു വെച്ച മതദര്‍ശനങ്ങ്ങളില്‍ ഒട്ടു മുക്കാല്‍ കാര്യങ്ങളും ഇന്നു കാലഹരണപ്പെട്ടിരിക്കുന്നു എന്ന പച്ചപ്പരമാര്‍ത്ഥത്തെ അംഗീകരിക്കാന്‍ തയ്യാറാവുക. ഇത്രയേ പറയാനുള്ളു.
Subscribe to:
Post Comments (Atom)
30 വര്‍ഷത്തിലേറെക്കാലമായി ഒരു ലക്കം പോലും മുടങ്ങാതെ പ്രസിദ്ധീകരിക്കുന്നു
ഏ വി ജോസ് , കുറ്റിപ്പുഴ നഗര്‍ , തൃശ്ശൂര്‍.
Posts
62 comments:
കുര്‍ ആനിലെ വെളിപാടുകള്‍ നബിയുടെ വികാരവിചാരങ്ങളും ആഗ്രഹാഭിലാഷങ്ങളും മാത്രമായിരുന്നു എന്നു തെളിയിക്കാനാണു ദത്തു പുത്രവധുവിനെ വിവാഹം കഴിച്ചതും മറ്റും പരാമര്‍ശിച്ചിട്ടുള്ളത്. അല്ലാതെ നബിയുടെ പേരില്‍ അശ്ലീലം ആരോപിക്കാനല്ല.
അശ്ലീലം അരോപിക്കുന്നു എന്നാരോപിക്കുന്നവര്‍ വിഷയത്തില്‍നിന്നും ശ്രദ്ധ തിരിക്കാനും മറുപടി പറയുന്നതില്‍നിന്നും പിന്മാറാനും കണ്ടെത്തുന്ന ഒരു സൃഗാലയുക്തിയാണെന്നു ഞാന്‍ മനസ്സിലാക്കുന്നു.
മറ്റൊരു ലക്ഷ്യം ഇത്തരം കാര്യങ്ങള്‍ ഇനിയും പരാമര്‍ശിക്കാതിരിക്കാനുള്ള ഒരു മുന്‍ കൂര്‍ ഉപദേശവും. അല്ലാഹുവിനെ വേണേല്‍ എന്തും പറഞ്ഞോളൂ പരിഹസിച്ചോളൂ പക്ഷെ നബിയെ കുറിച്ച് ഉള്ളതു പറഞ്ഞാലും ഞങ്ങള്‍ക്കു സഹിക്കില്ല ഇതാണു മുസ്ലിം വിശ്വാസത്തിന്റെ ഒരു സവിശേഷത. ഇസ്ലാം ഒരു മുഹമ്മദന്‍ കള്‍ട്ടാണെന്നതു തന്നെ കാരണം.
ജബ്ബാര്‍ മാഷ് അല്‍പം ക്ഷമിക്കൂ. നാം നടത്തിവന്ന ചര്‍ചയില്‍ അത്യാവശ്യം വരേണ്ട കാര്യങ്ങള്‍ വന്നു എന്ന് തോന്നിയതിനാലാണ് ഇനി അതില്‍ അഭിപ്രായം പറയുന്നതില്‍ കാര്യമില്ല എന്ന തീരുമാനത്തിലേക്ക് ഞാനെത്തിയത്. മറ്റൊരു സമ്മര്‍ദ്ദവും കാരണമല്ല. ഇപ്പോള്‍ എനിക്കല്‍പം ഒഴിവുസമയമുണ്ട് അത് നിലനില്‍ക്കുന്നത് വരെ ഞാന്‍ എനിക്ക് പറയാനുള്ളത് പറയും. ഇത്തരം പ്രകോപനങ്ങള്‍ ആവശ്യമില്ല. ഈ പോസ്റ്റിട്ടത് എന്തിനാണെന്ന് എനിക്ക് നല്ല ധാരണയുണ്ട്.
പള്ളിയില്‍ നിന്നു ബാങ്കു വിളിക്കുമ്പോള്‍ “നിസ്കരിക്കാന്‍ വരീന്‍” എന്നു രണ്ടു തവണ, ഇടത്തോട്ടും വലത്തോട്ടും തിരിഞ്ഞു വിളിച്ചു പറയാനാണു നബി നിര്‍ദ്ദേശിച്ചത്. ഉച്ചഭാഷിണിയും കോളാമ്പിയും ഇല്ലാത്ത കാല‍ത്ത് എല്ലാ ദിക്കിലും കേള്‍ക്കാനാണ് അങ്ങനെ പറഞ്ഞത്. ഇന്ന് പള്ളി മിനാരത്തിനു മുകളില്‍ നാലു ദിക്കിലേക്കും കോളാമ്പി വെച്ച് മൈക്കിലൂടെ ബാങ്കു വിളിക്കുംപ്പോള്‍ അങ്ങനെ ഇടത്തോട്ടും വലത്തോട്ടും തിരിഞ്ഞാല്‍ അതു വിപരീതഫലമാണുണ്ടാക്കുക. അതു മനസ്സിലാക്കാതെ മൊല്ലാക്ക മൈക്കിനു മുമ്പില്‍നിന്നും തിരിയുന്നു! കാലം മാറുന്നതിനനുസരിച്ചു ശീലങ്ങള്‍ മാറിയില്ലെങ്കില്‍ ഇതു പോലുള്ള കുഴപ്പങ്ങളാണുണ്ടാവുക.
നബി കാരക്ക കൊണ്ടു നോമ്പു തുറന്നത് അറേബ്യയില്‍ പ്രധാന ആഹാരം അതായതു കൊണ്ടാണ്. കേരളത്തില്‍ ജീവിക്കുന്ന നമ്മള്‍ അറേബ്യയില്‍ നിന്നു കാരക്ക ഇറക്കുമതി ചെയ്ത് നോമ്പു തുറക്കുമ്പോള്‍ നബിയുടെ സുന്നത്തിന്റെ സത്ത ചോര്‍ന്നു പോവുകയും ഒരു അന്ധമായ സാംസ്കാരിക അധിനിവേശം സംഭവിക്കുകയുമാണു ചെയ്യുന്നത്. നമ്മള്‍ ഇവിടെ ലഭ്യമായ ഇളനീരോ തേങ്ങാപ്പൂളോ കൊണ്ടാണു നോമ്പു തുറക്കേണ്ടതെന്നും അതാണു സുന്നത്തെന്നും വിശ്വാസികളെ പഠിപ്പിച്ചാല്‍ നേട്ടം നമ്മുടെ കേരകര്‍ഷകര്‍ക്കും നമുക്കും തന്നെ. റംസാന്‍ മാസമായാല്‍ നമ്മുടെ മാര്‍ക്കറ്റില്‍ വന്നു നിറയുന്ന കാര‍ക്കയുടെ ആധിക്യവും വിലക്കയറ്റവും കാണുമ്പോല്‍ മനസ്സില്‍ തോന്നിയ കാര്യമാണിത്. അറബിത്തൊപ്പിയും അറബി മലയാളത്തിലെഴുതിയ പ്ലക്കാര്‍ഡും പിടിച്ച് സാംസ്കാരികാധിനിവേശത്തിനെതിരെ മലപ്പുറത്തു ജാഥ നടത്തുന്ന മുസ്ല്യാരുട്ടികളോട് ഇതൊക്കെ പറഞ്ഞാല്‍ അവര്‍ പ്രകോപിതരാകും!
ലതീഫ് മാത്രമല്ല, മറ്റു പലരും ഇതേ ആരോപണം ഉന്നയിച്ചുകൊണ്ടു സ്ഥലം വിട്ട പശ്ചാത്തലത്തിലാണിതെഴുതിയത്.
ഇസ്ലാം സമ്പൂര്‍ണ ജീവിതവ്യവസ്ഥയാണ്. നബിയുടെ വ്യക്തിജീവിതത്തിലെ ദിനചര്യകള്‍ തന്നെയാണതിന്റെ നെടുംതൂണ്‍ ! നബിയുടെ ജീവിതത്തെ സ്പര്‍ശിക്കാതെ ഇസ്ലാമിനെ നിരൂപണം ചെയ്യുക എന്നാല്‍ രാമനെയും സീതയെയും പരാമര്‍ശിക്കാതെ രാമായണനിരൂപണം നടത്തുന്നതു പോലെയാകും. നബിയുടെ ദൈനംദിന ചര്യകളെ മുസ്ലിം വിശ്വാസികള്‍ എങ്ങനെയാണു കാണുന്നതെന്നു മനസ്സിലാകണമെങ്കില്‍ ഇസ്ലാമിന്റെ രണ്ടാം പ്രമാണം എന്നു കരുതപ്പെടുന്ന ഹദീസ് സമാഹാരങ്ങള്‍ ഏതെങ്കിലുമൊന്നെടുത്തു മറിച്ചു നോക്കിയാല്‍ മതി. ഏറ്റവും കൂടുതല്‍ ഹദീസുകള്‍ സമാഹരിച്ച മഹാപണ്ഡിതനും ഇസ്ലാമിന്റെ നാലു പ്രധാന ‘ജൂറി’കളില്‍ ഒരാളുമായിരുന്ന ഇമാം അഹ്മദുബ്നു ഹംബല്‍ ഒരിക്കല്‍ പറഞ്ഞു: “ഞാന്‍ തണ്ണിമത്തന്‍ തിന്നിട്ടില്ല.” കാരണം വിശദീകരിച്ചതിപ്രകാരമായിരുന്നു. നബി തണ്ണിമത്തന്‍ തിന്നിരുന്നു എന്നതിനു തെളിവു ലഭിച്ചിട്ടുണ്ട്. പക്ഷെ അതിന്റെ തൊലി എത്ര കനത്തിലാണദ്ദേഹം കടിച്ചിരുന്നതെന്നു മനസ്സിലാക്കാന്‍ ഉതകുന്ന ഒരു ഹദീസ് എനിക്കിതുവരെ കണ്ടെത്താന്‍ കഴിഞ്ഞിട്ടില്ല. അതുകൊണ്ടു ഞാന്‍ അതു തിന്നണ്ട എന്നു തീരുമാനിച്ചു.! നബി കടിച്ചിരുന്ന പോലെ കടിക്കാതിരുന്നാല്‍ സുന്നത്ത് നഷ്ടമാകുമോ എന്ന ഭയം കൊണ്ട് അദ്ദേഹം വത്തക്കയുടെ രുചി അറിയാതെ ജീവിച്ചു എന്ന്.! ഇതാണു നബിചര്യക്കു വിശ്വാസികള്‍ നല്‍കുന്ന പ്രാധാന്യം.
നബി കുപ്പായത്തിലാണു തുപ്പിയിരുന്നതെന്ന് ബുഖാരിയുടെ ഹദീസില്‍ ആവര്‍ത്തിച്ചു പറയുന്നുണ്ട്. നിസ്കരിക്കുമ്പോള്‍ അദ്ദേഹം കുപ്പായക്കീശയിലേക്കാണു തുപ്പിയിരുന്നത്. ലോകത്ത് എത്രയോ വിശ്വാസികള്‍ അതനുസരിച്ചു വസ്ത്രം തുപ്പി വൃത്തികേടാക്കിക്കാണും. നബിയുടെ തലപ്പാവിന്റെ വാലിന്റെ നീളവും ചെരിവും വരെ വിവരിക്കുന്ന ഹദീസുകളുണ്‍ട്. അതൊക്കെ സൂക്ഷ്മനിരീക്ഷണം ചെയ്തു ജീവിക്കുന്നവരുണ്ട്. വസ്ത്രത്തില്‍ ശുക്ലം പുരണ്ടാല്‍ നബി അതു വെള്ളം കൊണ്ടു കഴുകിയിരുന്നില്ല എന്നും അതു ഉണങ്ങിയ ശേഷം തിരുമ്മിപ്പൊടിച്ചു കളയുകയാണു ചെയ്തിരുന്നതെന്നും ആയിശ വിശദീകരിക്കുന്നു ബുഖാരിയില്‍ ! നബി നിസ്കരിക്കുമ്പോള്‍ സുജൂദിനിടയില്‍ ആയിശയെ പിച്ചിയിരുന്നു എന്നാണു മറ്റൊരു ഹദീസിലുള്ളത്. നിസ്കാരത്തിനിടയിലും അല്‍പ്പം ശൃങ്കാരമാവാം എന്നാണോ ഇതിനര്‍ത്ഥം കല്‍പ്പിക്കേണ്ടത് എന്നറിയില്ല. രണ്ടു ലക്ഷം ഹദീസുകളില്‍നിന്നും ആധികാരികത ഉറപ്പു വരുത്തി എഡിറ്റ് ചെയ്തെടുത്ത രണ്ടായിരം ഹദീസുകളിലാണിതൊക്കെയുള്ളത്.
ഇതൊക്കെ രേഖപ്പെടുത്തി വെച്ചു സംരക്ഷിച്ചത് എങ്ങനെ ജീവിക്കണം എന്നു മനുഷ്യരാശിയെ പഠിപ്പിക്കാനാണത്രേ!
സഹീഹു മുസ്ലിം എന്ന രണ്ടാമത്തെ ഹദീസ് ഗ്രന്ഥത്തില്‍ മുക്കാല്‍ ഭാഗവും ശൌചാലയ ചിട്ടകളും സാനിട്ടറി കാര്യങ്ങളുമാണ്. ഇക്കാല‍ത്തു പ്രസക്തമായ എന്തെങ്കിലും അതിലുണ്ടോ എന്നു ഗവേഷണം തന്നെ നടത്തേണ്ടി വരും. കര്‍മ്മശാസ്ത്രഗ്രന്ഥങ്ങളിലും ഇതു തന്നെ സ്ഥിതി.
നമ്മുടെ തിരുവനന്തപുരത്തെ ഗഫാര്‍മൌലവിയുടെ ഒരു ടി വി പരിപാടിയുണ്ട്. വിശ്വാസികളുടെ ദീനീ സംശയങ്ങള്‍ക്കു മറുപടി ഫത് വ നല്‍കലാണു പരിപാടി. ആറ്റുകാല്‍ രാധാകൃഷ്ണന്‍ ജ്യോത്സ്യപരിഹാരം പറയുന്ന പോലെ. അതിലെ ചോദ്യങ്ങളും ഉത്തരങ്ങളും പുസ്തകരൂപത്തിലും ഇറക്കിയിട്ടുണ്ട്. ഈയിടെ എനിക്കതിലൊരെണ്ണം കിട്ടി. വായിച്ചു കുറേ നേരം ചിരിച്ചു.
ഏതാനും സാമ്പിള്‍ :
‘ചോ: കുളിമുറിയില്‍ വാതിലടച്ചു കുളിക്കുമ്പോള്‍ നഗ്നനായി കുളിക്കാമോ?. ഉ: പാടില്ല. ജിന്നുകള്‍ കാണും.
ചോ; ഭാര്യയും ഭര്‍ത്താവും ഒരുമിച്ചു കുളിക്കാമോ? ഉ; കുളിക്കാം നബിയും ആയിശയും ഒപ്പം കുളിച്ചിരുന്നു.
ചോ: കുളിമുറിയില്‍ വുളു എടുക്കുമ്പോള്‍ ആ വെള്ളം സെപ്റ്റിക് ടാങ്കിലേക്കു പോകുന്നതു ശരിയോ?
ഉ: അതൊഴിവാക്കേണ്ടതാണ്. പക്ഷെ ഇന്നത്തെ കാല‍ത്ത് നിവൃത്തിയില്ലല്ലൊ.
ചോ: കക്കൂസില്‍ പോകുമ്പോള്‍ മൊബൈല്‍ ഫോണ്‍ കൊണ്ടു പോകാമോ?
ഉ: മബൈലില്‍ കുര്‍ ആന്‍ സൂക്തങ്ങള്‍ ആലേഖനം ചെയ്യുകയോ അങ്ങനെവല്ലതും കേള്‍ക്കാനിടവരുകയോ ചെയ്യുമെങ്കില്‍ പാടില്ല.
ചോ: എനിക്കു ജനാബ്ത്തുണ്ടായി. അന്നു തന്നെ ഹൈളും വന്നു. ഞാന്‍ രണ്ടു കുളി കുളിക്കണോ? ഉ: കുളി ഒന്നു മതി. നിയ്യത്ത് രണ്ടു വേണം.
ചോ: എന്റെ ഭര്‍ത്താവ് യുക്തിവാദം പറയുന്നു. വിശ്വാസം ഇല്ലാതാകുന്നു: എന്തു ചെയ്യണം? ഉ: രാത്രി ഉറങ്ങുമ്പോള്‍ ആയത്തുല്‍ കുര്‍സി ഓതി അയാളുടെ നെറ്റിയില്‍ ഊതുക. 101 വട്ടം !
സമഗ്രവും സമ്പൂര്‍ണവുമാണ് ഇസ്ലാം എന്ന് വെറുതെയാണോ ജമാ അത്തുകാര്‍ പറയുന്നത്?
അശ്ലീലം എന്ന പദം താങ്കള്‍ക്ക് ക്ഷപിടിച്ചുപോയി അല്ലേ. അതൊരു വലിയ ആരോപണമായും താങ്കള്‍ക്ക് തോന്നുന്നു. ഇതാണ് ഞാന്‍ പ്രസ്തു വാക്ക് താങ്കളിലേക്ക് ചേര്‍ത്ത് പറയാന്‍ കാരണം. താങ്കള്‍ക്ക് ഇങ്ങനെ ആരോട് ചേര്‍ത്തും ആ പദം പറയാം, നിങ്ങള്‍ മറ്റൊരു പോസ്റ്റില്‍ ; 'മൌദൂദിയുടെ ഖുതുബകളിലും ഫത് വകളിലും ... ഒരു സമൂഹത്തിനു മുമ്പില്‍ പറയാന്‍ കൊള്ളാത്ത അശ്ലീലതയാണെന്ന്', താങ്കള്‍ പറഞ്ഞില്ലേ. ആ പദത്തിന് താങ്കളുദ്ദേശിച്ച അര്‍ഥം മാത്രമേ ഞാനും ഉദ്ദേശിച്ചിട്ടുള്ളൂ, എന്ന് മനസ്സിലാക്കിയാല്‍ ഈ ചര്‍ച തുടരുന്നതിന്റെ മുമ്പിലുള്ള ഒരു വലിയ തടസ്സം നീങ്ങിക്കിട്ടും. ഒരു അപേക്ഷ കൂടി. ലോകവസാനം വരെയുള്ള വിശ്വാസികള്‍ക്ക് പ്രവാചകന് മാതൃകയാണെന്ന് വിശ്വാസികള്‍ ഉറച്ച് വിശ്വസിക്കുന്നു. ഖുര്‍ആന്‍ അക്കാര്യം ഉണര്‍ത്തുകയും ചെയ്യുന്നു. (നിങ്ങള്‍ക്ക് അല്ലാഹുവിന്റെ പ്രവാചകനില്‍ ഉത്തമ മാതൃകയുണ്ട്). ഇതില്‍ നിങ്ങളെ വിഷമിപ്പിക്കുന്ന പ്രശ്നം, ആധുനിക മനുഷ്യന് ഉള്‍കൊള്ളാന്‍ കഴിയാത്ത പ്രാകൃത നിയമങ്ങള്‍ ജനങ്ങള്‍ പിന്തുടരേണ്ടി വരികയും അതുമൂലം അവര്‍ പിന്നോക്കമായി തീരുകയും... (പിന്നീട് എന്തൊക്കെയോ ഗുലമാലുകള്‍, ചിലത് നിങ്ങള്‍ പോസ്റ്റില്‍ പറഞ്ഞിട്ടുണ്ട്. എന്റെ മകളെ വിവാഹമന്വേഷിച്ച് വരുന്നതും ഞാന്‍ ചൂലെടുത്ത് വരന്റെ പിന്നാലെ ഓടേണ്ടിവരികയും ചെയ്യുന്ന പുകലികടക്കം) സംഭവിക്കുകയും ചെയ്യും എന്നതാണല്ലോ. പ്രവാചകന് പറഞ്ഞ മുഴുവന്‍ കാര്യങ്ങള്‍ക്കും ഇത് ബാധകമാണോ?. അതല്ല ചില കാര്യങ്ങള്‍ക്ക് മാത്രമേ ഇത്തരം കുഴപ്പമുള്ളൂ എന്നാണോ?. എങ്കില്‍ അതേതൊക്കെ?. വളരെയധികമുണ്ട് എന്നാണങ്കില്‍ സാമ്പിളിന് അഞ്ചെണ്ണം എടുത്ത് പരിശോധിക്കാം. ഒരോന്നായി നമ്മുക്ക് ചര്‍ച ചെയ്യാം. അതിനിടക്ക് അവിടേക്കും ഇവിടേക്കുമൊക്കെ ലിങ്കിട്ട് കലമ്പല്‍ കൂട്ടരുത്. താങ്കളുടെ പോസ്റ്റിലിട്ട, എനിക്ക് വിരുദ്ധ അഭിപ്രായമുള്ള കാര്യങ്ങളില്‍ നിന്ന് ചര്‍ച തുടരാം. പിന്നെ ഒരു സ്വകാര്യം എന്റെ ഏതാനും അഭിപ്രായങ്ങള്‍ നിങ്ങളുടെ സമ്മതം കാത്ത് നിങ്ങളുടെ പക്കലുണ്ട് അതൊന്ന് പ്രസിദ്ധികരിക്കുമോ?.
ശരി ശേഷം ദൈവം അനുഗ്രഹിച്ചാല്‍ ജുമുഅക്ക് ശേഷമാകാം, ജുമുഅക്ക് വൈകുമോ എന്ന് കരുതി അല്‍പം വേഗത്തില്‍ ടൈപ്പ് ചെയ്തതിനാല്‍ ഇതിന് മുകളിലത്തെ അഭിപ്രായത്തില്‍ ചില പിശകുകള്‍ സംഭവിച്ചിട്ടുണ്ട്. ലോകമൂസ്ലിംകള്‍ ഇനി ഏതാനും മണിക്കൂര്‍ പള്ളിയിലായിരിക്കും. മലപ്പുറം ജില്ലയിലെ കുഗ്രാമത്തിലും അമേരിക്കയിലെ ന്യൂയോര്‍ക്കിലും. താങ്കള്‍ വിമര്‍ശിച്ചുകൊണ്ടിരിക്കുന്ന അതേ പ്രവാചകന്‍െയും ഖുര്‍ആന്റെയും കല്‍പനകള്‍ മാനിച്ചുകൊണ്ട്. അതിനാല്‍ താല്‍കാലിക വിട.
പ്രവാചകന് പറഞ്ഞ മുഴുവന്‍ കാര്യങ്ങള്‍ക്കും ഇത് ബാധകമാണോ?. അതല്ല ചില കാര്യങ്ങള്‍ക്ക് മാത്രമേ ഇത്തരം കുഴപ്പമുള്ളൂ എന്നാണോ?.
---------------------
1400 കൊല്ലം മുമ്പ് അന്നത്തെ അറബികളോടു അവരില്‍ പെട്ട ഒരു സാധാരണ മനുഷ്യന് പറഞ്ഞ കാര്യങ്ങള്‍ അരിച്ചു പെറുക്കി പരിശോധിക്കേണ്ട ആവശ്യമേയില്ല. ഇക്കാല‍ത്തെ മനുഷ്യര്‍ക്കു ജീവിക്കാന്‍ . അതാണെന്റെ നിലപാട്. നാം നമ്മുടെ ചുറ്റുപാടിനും സാഹചര്യത്തിനും അനുയോജ്യമാംവിധം യുക്തിയുപയോഗിച്ച് ജീവിതം ചിട്ടപ്പെടുത്തിയാല്‍ മത്. ഞാന്‍ അങ്ങനെയാണു ജീവിക്കുനത്. ഒരു കുഴപ്പവും അനുഭവപ്പെട്ടിട്ടില്ല.
മാഷിന്റെ സൃഗാല ബുദ്ധിയില്‍ അംശ്ലിലം എന്നത് നബിയുടെ വിവാഹത്തെ കുറിച്ച് മാത്രമാണെന്ന് തിരിച്ചറിഞ്ഞത്, അടിപതറിക്കൊണ്ടിരിക്കുന്ന മറ്റു വിഷയങ്ങളില്‍ നിന്ന്, ചര്‍ച്ച വീണ്ടും നബിയുടെ വിവാഹത്തിലേക്ക് തിരിച്ച് വിടാനാണ്. ഒരു പക്ഷേ എറ്റവും കൂടുതല്‍ മാഷ് പോസ്റ്റിട്ടതും ചര്‍വ്വിത ചര്‍വണം നടത്തിയതും ഈ വിഷയത്തിലായിരിക്കും. :)
വിശ്വാസികള്‍ക്ക് പ്രവാചകന് മാതൃകയാണ്. പ്രവാചകനെ വെറുമൊരു മനുഷ്യനായി മാത്രം കാണുന്ന ജബ്ബാര്‍ മാഷിനും. ഇസ്്‌ലാമിന്റെ സന്ദേശം യഥാവിധി മനസ്സിലാക്കാന്‍ സാധിക്കാത്ത ലോകത്തെ കോടിക്കണക്കിന് മനുഷ്യരോട് നിങ്ങള്‍ മുഹമ്മദ് നബിയെ മാതൃകയാക്കണം എന്ന് എങ്ങനെ പറയാന്‍ കഴിയും. പ്രവാചകനെ പിന്‍തുടരുന്നതിലൂടെയാണ് ദൈവ കല്‍പനകള്‍ അനുസരിക്കപ്പെടുന്നത്. കാരണം ദൈവം കേവലം നിയമ നിര്‍ദ്ദേശങ്ങള്‍ നല്‍കുകയല്ല ചെയ്യുന്നത്, അത് മനുഷ്യര്‍ക്ക് പ്രായോഗികമായി കാണിച്ചുകൊടുക്കാന്‍ പ്രവാചകന്‍മാരെ നിയോഗിക്കുകയും ചെയ്തു. അല്ലാഹു മാത്രമാണ് ഇസ്്‌ലാമില്‍ ആരാധനക്കര്‍ഹന്‍. പ്രവാചകന്‍മാര്‍ ആരാധിക്കപ്പെടുകയോ ആരാധനാബിംബമാക്കപ്പെടുകയോ ഇല്ല. ദൈവത്തിന് മീതെ പ്രവാചകന് സ്ഥാനമില്ല. ദൈവത്തിന്റെ കല്‍പനപ്രകാരം അനുസരിക്കപ്പെടാന്‍ മാത്രമാണ് പ്രവാചകന്‍മാരെ നിയോഗിച്ചിട്ടുള്ളത്. ദൈവഹിതത്തിനെതിരെ പ്രവാചകന്‍മാര്‍ പ്രവര്‍ത്തിക്കുകയില്ല. ഇത് ഇസ്്‌ലാമിന്റെ പ്രാഥമിക പാഠമാണ്. ഇനി ജബ്ബാര്‍ മാഷിന്റെ വരികള്‍ വായിക്കുക.
'ഇസ്ലാമില്‍ മുഹമ്മദ് നബി വെറും ഒരു മനുഷ്യനോ നേതാവോ മാത്രമല്ല. മുസ്ലിം മനസ്സുകളില്‍ അല്ലാഹു എന്ന ദൈവത്തോടൊപ്പം -ഒരു പക്ഷെ ദൈവത്തെക്കാള്‍ ഒരു പടി ഉയരത്തില്‍- പ്രതിഷ്ഠിക്കപ്പെട്ടിട്ടുള്ള ഒരു ആരാധ്യബിംബമാണു നബി. അദ്ദേഹത്തിന്റെ ദിന ചര്യകളെ അതേ പടി അനുകരിക്കലാണു ലോകമുള്ളേടത്തോളം കാലം മനുഷ്യ സമൂഹത്തിന്റെ മൊത്തം കടമയെന്നാണു ശരാശരി മുസ്ലിമിന്റെ വിശ്വാസം.'
'അശ്ലീലം എന്നു വിശേഷിപ്പിക്കാവുന്ന എന്തു കാര്യമാണു പ്രവാചകനെക്കുറിച്ചു പറഞ്ഞിട്ടുള്ളത്?'
ഇങ്ങനെ ഒരു ചോദ്യം ചോദിച്ചാല്‍, പ്രവാചകനെക്കുറിച്ച് മാഷ് പറഞ്ഞ തെറ്റായ പരാമര്‍ശമെല്ലാം (അശ്ലീലമെന്ന പദം സൗകര്യാര്‍ഥം ഒഴിവാക്കുന്നു) മാഷിന്റെ ബ്ലോഗുകള്‍ പരതി ഇവിടെ പേസ്റ്റ് ചെയ്യും എന്ന് കരുതിക്കാണും. തല്‍ക്കാലം അതിന് ഉദ്ദേശിക്കുന്നില്ല. ആ കാര്യം മാഷെത്തന്നെ ഏല്‍പിക്കുന്നു. എങ്കിലും പ്രവാചകന്റെ കാലത്തെ സാധാരണ സംഭവം ഇപ്പോള്‍ എങ്ങനെ ശൃഗാരമാകുന്നത് എന്ന് നോക്കാം.
വളരെ ചെറിയ ഒരു വീടായിരുന്നു പ്രവാചകന്റെത് ഒരൊറ്റ മുറിയില്‍. ഒരാള്‍ നീണ്ട് നിവര്‍ന്ന് കിടന്നാല്‍ പിന്നീട് അവിടെ നമസ്‌കരിക്കാന്‍ പ്രയാസമാണ്. അതിനാല്‍ പ്രവാചകന് നമസ്‌കരിക്കുമ്പോള്‍ സുജൂദ് ചെയ്യാന്‍ സ്ഥലം മതിയാകാതെ വരുമ്പോള്‍ മുന്നില്‍ കിടന്ന് ഉറങ്ങുന്ന പത്‌ന ആയിശയുടെ കാലിന് ഒന്ന് തട്ടും. ആയിശ ഉണര്‍ന്ന് കാല്‍ ചുരുക്കുകയും പ്രവാചകന് നമസ്‌കരിക്കുകയും ചെയ്യും. ഈ സംഭവം അല്‍പം വികൃതമാക്കിയിട്ട് മാഷ് ചോദിക്കുകയാ. നമസ്‌കാരത്തില്‍ ശൃഗാരമാകാമോ എന്ന്.
മാഷ് പ്രവാചകനെക്കുറിച്ച് അശ്ലീലമൊന്നും പറഞ്ഞിട്ടില്ല എന്ന് അണയിടുന്നു. മാത്രമല്ല. പ്രവാചകന് അശ്ലീലമായതോ തെറ്റായോ ഒന്നും ചെയ്തിട്ടില്ലന്നും പറയുന്നു. നല്ലത് എന്ന് മാത്രം ഇതേക്കുറിച്ച് പറയട്ടേ.
'1400 കൊല്ലം മുമ്പ് അന്നത്തെ അറബികളോടു അവരില്‍ പെട്ട ഒരു സാധാരണ മനുഷ്യന് പറഞ്ഞ കാര്യങ്ങള്‍ അരിച്ചു പെറുക്കി പരിശോധിക്കേണ്ട ആവശ്യമേയില്ല. ഇക്കാല‍ത്തെ മനുഷ്യര്‍ക്കു ജീവിക്കാന്‍ . അതാണെന്റെ നിലപാട്.'
നൂറ് ശതമാനം ശരി. അങ്ങനെത്തന്നെ ഞാനും വിശ്വസിക്കുന്നു.
പക്ഷേ ആ മനുഷ്യന് പ്രവാചകനായാല്‍ സംഗതി മാറും. മുഹമ്മദ് നബി ദൈവത്തിന്റെ അവസാനത്തെ പ്രവാചകനാണ്. ലോകത്തിന് കാരണ്യം. ദൈവനാമത്തില്‍ അദ്ദേഹം പറയുന്ന വചനങ്ങള്‍ ആരെങ്കിലും കേള്‍ക്കാതിരുന്നാല്‍ ഞാന്‍ ചോദിക്കുമെന്ന് കര്‍ത്താവ് ബൈബിളില്‍ അരുളിചെയ്ത അതേ പ്രവാചകന്. വേദങ്ങള്‍ മഹാമ്മദം എന്ന് വിളിച്ച സാക്ഷാല്‍ മുഹമ്മദ് നബി. ദൈവത്തെ കണ്ടെത്താന്‍ ആ പ്രവാചകനെ പിന്‍പറ്റേണ്ടതുണ്ട്. ഒരു കുഴപ്പവും വരാനില്ല. അദ്ദേഹത്തിന്റെ അനുയായികള്‍ എന്ന് പറയുന്നവര്‍ യഥാവിധി പൂര്‍ണമായി അദ്ദേഹത്തെ അനുസരിക്കാതിരിക്കുമ്പോഴാണ് കുഴപ്പങ്ങളുണ്ടാകുന്നത്. ഖുര്‍ആനെ അംഗീകരിക്കാതിരിക്കുമ്പോഴാണ് മുസ്ലിംകള്‍ പിന്നോക്കമാകുന്നത്. ആദ്യമായി ഖുര്‍ആന്‍ കല്‍പിച്ചത് വായിക്കുക. എന്നാണ്. ഇവിടം മുതല്‍ ഖുര്‍ആന്റെ കല്‍പനക്കെതിരെ നീങ്ങുന്ന മുസ്ലിം നാമധാരികള്‍ പിന്നിലായിലെങ്കിലേ അത്ഭുതപ്പെടാനുള്ളൂ. മാഷിന്റെ ഒരു ഉദാഹരണം മാനദണ്ഡമാക്കാമെങ്കില്‍, പ്രവാചകനെ യഥാവിധി അനുധാവനം ചെയ്യുകയും ഖുര്‍ആന്‍ കല്‍പിച്ചത് പരമാവധി ജീവിതത്തില്‍ പുലര്‍ത്തുകയും ചെയ്യുന്ന ഒരു വിഭാഗത്തെ നോക്കിയിട്ട് തന്നെയാണോ താങ്കള്‍ വിധിതീര്‍പ്പിലെത്തുന്നത്. ഇസ്്‌ലാം നല്‍കിയ ഏത് ധാര്‍മിക ഉപദേശമാണ് ഈ കാലത്തേക്ക് ഫിറ്റല്ലാത്തത് എന്ന് പറഞ്ഞ് തന്നാല്‍ പരിഗണിക്കാമായിരുന്നു. ഇസ്ലാം പറയുന്നത് അനുസരിച്ചാലും ഒരു പ്രശനവും വരാനില്ല. കോടിക്കണക്കിന് വിശ്വാസികളുടെ ജീവിതം സാക്ഷി.
ഗഫാര്‍മൗലവിയുടെ ടിവി പരിപാടി തുടങ്ങുന്നതിന് 1400 വര്‍ഷം മുമ്പ് അല്ലാഹു മുഹമ്മദ് നബിയിലൂടെ അന്ത്യദിനം വരെയുള്ള മാനവകുലത്തിന് നല്‍കിയ ഖുര്‍ആനിലാണ്, ഇസ്ലാം സമ്പൂര്‍ണമാണ് എന്ന് പറഞ്ഞത്. അല്ലാതെ ജമാഅത്തുകാരല്ല. മറ്റുള്ളവര്‍ക്ക് അത് ആവര്‍ത്തിക്കാന്‍ അല്‍പം ബുദ്ധിമുണ്ടുണ്ട്. അതുകൊണ്ടാണ് ജമാഅത്തിന്റെ പുതിയവാദമാണ് അത് എന്ന് താങ്കള്‍ക്ക് തോന്നുന്നത്.
വിഷയ്ത്തിനു പുറത്താണെങ്കിൽ അവഗണിക്കുക.
അശ്ലീലം : പണ്ട് നമ്മുടെ നാട്ടിൽ വെളിക്കിരിക്കുക എന്നാണ് (രണ്ടിനു പോകുന്നതിന്) പറയാറുള്ളത്. ഇപ്പോഴും സാമ്പത്തിക വളർച്ച ഇല്ലാത്ത ഗ്രാമങ്ങളിൽ വെളിക്കിരിക്കൽ തന്നെയാണ്. തമിഴ് നാട്ടിൽ യാത്രചെയ്താൽ കണികാണുകയുമാവാം.
നമ്മുടെ നാട്ടിൽ സാംസ്കാരികമായും സാമ്പത്തികമായും ഉയർന്നവരെന്ന് നടിക്കുന്ന ആരെങ്കിലും വെളിക്കിരുന്നാൽ ചുരുങ്ങിയപക്ഷം വൃത്തികേട് എന്നെങ്കിലും പറയാത്തവരുണ്ടാകുമോ.
പക്ഷേ ആ മനുഷ്യന് പ്രവാചകനായാല്‍ സംഗതി മാറും.
-----------------------------
അതു തന്നെയാണു പ്രശ്നം.
പ്രവാചകനല്ലാത്ത ഒരാള്‍ പ്രവാചകനാണെന്നും അദ്ദേഹം പറയുന്നതൊക്കെ ദൈവം പറയുന്നതാണെന്നുമുള്ള മൂഡവിശ്വാസംതന്നെയാണെല്ലാ പ്രശ്നങ്ങള്‍ക്കും കാരണം.
എന്റെ വിമര്‍ശനങ്ങളുടെ മര്‍മ്മവും അതു തന്നെ. അദ്ദേഹം വെറും ഒരു മനുഷ്യന് മാത്രമായിരുന്നു എന്നതിന്റെ തെളിവുകളാണു ഞാന്‍ നിരത്തുന്നത്.
മുഹമ്മദ് പ്രവാചനായിരുന്നു എന്നതിന് വളരെ യുക്തി സഹമായ തെളിവുകള്‍ സഹിതം ഇവിടെ വ്യക്തമാക്കിയതാണ്.
മുഹമ്മദ് പ്രവാചകനോ 1||
മുഹമ്മദ് പ്രവാചകനോ 2||
മുഹമ്മദ് പ്രവാചകനോ 3||
മുഹമ്മദ് പ്രവാചകനോ 4
ഇത് പോലെ മൂന്നാംകിട മന:ശാസ്ത്രജ്ഞന്മാരുടെ വിവരക്കേടുകളുമായി ഇറങ്ങാതെ
ഇതിനെ യുക്തി സഹമായി മറുപടി പറയാനുണ്ടെങ്കില്‍ അതുമായി വരിക..
ഖൈബര്‍ യുദ്ധം സന്ധിയായതിനുശേഷം ഇസ്‌ലാമികസൈന്യത്തിലെ ചില പുതുവിശ്വാസികള്‍ നിയന്ത്രണംവിടുകയും കൊള്ളയടിക്കാന്‍ തുടങ്ങുകയും ചെയ്തു. ജൂതനേതാവ് പ്രവാചക സന്നിധിയില്‍ വന്ന് പരുഷമായ സ്വരത്തില്‍ അവിടത്തെ അഭിസംബോധനചെയ്തുകൊണ്ട് ഇപ്രകാരം പറഞ്ഞു: മുഹമ്മദ്, ഞങ്ങളുടെ ഒട്ടകങ്ങളെ അറുക്കുകയും ഞങ്ങളുടെ ഫലമൂലാധികള്‍ തിന്നുകയും ഞങ്ങളുടെ സ്ത്രീകളെ അടിക്കുകയും ചെയ്യുന്നത് എന്താ നിനക്ക് ഉചിതമാണോ?. പെട്ടെന്നുതന്നെ സൈന്യത്തെ ഒന്നിച്ചുകൂട്ടാന്‍ അബ്ദുര്‍റഹ്മാനിബ്‌നു ഔഫിന് തിരുമേനി കല്‍പന കൊടുത്തു. മുഴുവന്‍ സൈന്യവും ഒരുമിച്ചുകൂടിയപ്പോള്‍ അവിടന്ന് പറഞ്ഞു. ഖുര്‍ആനില്‍ നിഷിദ്ധമാക്കപ്പെട്ടതല്ലാതെ മറ്റൊന്നും അല്ലാഹു നിഷിദ്ധമാക്കിയിട്ടില്ലെന്ന് നിങ്ങളില്‍ ആരെങ്കിലും കരുതിയോ അല്ലാഹുവാണ ഞാന്‍ നിങ്ങളെ ഉപദേശിക്കുന്നതും ഞാന്‍ നല്‍കുന്ന വിധിവിലക്കുകളും ഖുര്‍ആനെപ്പോലെയോ അതിലധികമോ പ്രധാനമാണ്. വേദക്കാരുടെ വീടുകളില്‍ അനുവാദമില്ലാതെ നുഴഞ്ഞുകയറാനും അവരുടെ സ്ത്രീകളെ അടിക്കാനും അവരുടെ ഫലമൂലാദികള്‍ തിന്നാനും അല്ലാഹു നിങ്ങളെ അനുവദിച്ചിട്ടില്ല. അവരില്‍ നിങ്ങള്‍ക്ക് അനുവദിക്കപ്പെട്ടതെല്ലാം മുമ്പ് നിങ്ങള്‍ക്ക് നല്‍കിയിട്ടുണ്ടല്ലോ.
യുദ്ധത്തിന് വേണ്ടിയുള്ള ഒരു യാത്രയില്‍ സൈന്യത്തിലെ ചിലര്‍ ഏതാനും ആടുകളെ കൊള്ളയടിച്ച് അതിന്റെ ഇറച്ചി പാകം ചെയ്തു ഭക്ഷിക്കാന്‍ ആഗ്രഹിച്ചു. പ്രവാചകന് വിവരമറിഞ്ഞപ്പോള്‍ ക്ഷണത്തില്‍ മടങ്ങിവന്ന് ഇപ്രകാരം പറഞ്ഞു കൊള്ളയടിച്ച ധനം ശവത്തേക്കാള്‍ മെച്ചമല്ല. അബ്ദുല്ലാഹിബ്‌നു യസീദ് നിവേദനം ചെയ്യുന്നു കൊള്ളയടിച്ച ധനം തിരുമേനി നിരോധിച്ചിരിക്കുന്നു.
വഴിയില്‍ പാല്‍ ചുരത്തുന്ന മൃഗങ്ങളെ കണ്ടാല്‍ അതിന്റെ പാല്‍ കറക്കുന്നത് പോലും അനുവദനീയമല്ല. അത്യാവശ്യമാണങ്കില്‍ ഉടമയുണ്ടെങ്കില്‍ വരൂ എന്ന് മൂന്നുതവണ ഉച്ചത്തില്‍ വിളിക്കുകയും ആരും വന്നില്ലെങ്കില്‍ മാത്രം പാല്‍ കുടിക്കുകയും ചെയ്യാം. (ജിഹാദ് പേജ് 189)
ഇതിവിടെ നല്‍കിയത് മാഷിന്റ കാടടച്ചുള്ള ഒരു വെടിക്ക് മറുപടിയാണ്. യുദ്ധസന്ദര്‍ഭങ്ങളിലാണ് ഇത്തരം നിര്‍ദേശം എന്നത് പ്രത്യേകം ശ്രദ്ധിക്കേണ്ടതാണ്. മറ്റുസന്ദര്‍ഭങ്ങളിലാകട്ടേ അതിന്റെ ഗൗരവം ഒന്നുകൂടി വര്‍ധിക്കും മോഷണത്തിന്റെ വിഭാഗത്തില്‍ ഉള്‍പ്പെടുത്തി, അതിന് നിശ്ചയിക്കപ്പെട്ട ക്രിമിനല്‍ ശിക്ഷതന്നെ കൊള്ളക്കും ലഭിക്കും.
'പ്രവാചകന് നിരവധി ഗോത്രങ്ങളെ പതുങ്ങിച്ചെന്ന് ആക്രമിക്കുകയും കൊള്ള ചെയ്യുകയും ചെയ്തുവെന്നു ചരിത്രകാരന്മാരും ഹദീസ് കര്‍ത്താക്കളും സാക്ഷാല്‍ കുര്‍ ആന്‍ തന്നെയും നമ്മോടു പറയുന്നു. ഇക്കാര്യം ഞാന്‍ ഉദ്ധരിച്ചാല്‍ ഞാന്‍ നബിയെ കൊള്ളക്കാരനാക്കി എന്നാണാരോപണം.'
മാഷിന്റെ മേല്‍ കൊടുത്ത വാചകത്തെയാണ് കാടടച്ചുള്ള വെടി എന്ന് ഞാന്‍ ഉദ്ദേശിച്ചത്. ശരിയായ ഹദീസില്‍ നിന്ന് വിശ്വാസികളായ ഞങ്ങള്‍ക്ക് ലഭിച്ച വിവരമാണ് മുകളിലെ കമന്റില്‍ കൊടുത്തത്. ഇപ്രകാരമാണ് ഇസ്്‌ലാമിലെ പണ്ഡിതന്മാര് അനുയായികളെ പഠിപ്പിക്കുന്നത്. ഞങ്ങളറിഞ്ഞ ഇസ്ലാമിന്റെ സത്തക്ക് യോജിച്ചതും ഇതേ കാര്യമാണ്. നിങ്ങള്‍ പറയുന്നത് ഏത് പ്രവാചകനെപ്പറ്റിയാണ് എന്ന് അത്ഭുതപ്പെടുകയാണ് ഞങ്ങള്‍. കൊള്ള ഒരു ക്രിമിനല്‍ കുറ്റമായിരുന്നില്ല, അതിനാല്‍ പ്രവാചകന് ചെയ്തത് തെറ്റായിരുന്നില്ല എന്ന പഞ്ചാരവാക്കും കൂടെയുണ്ട്. ഇങ്ങനെയൊക്കെ പ്രവാചകനെ തെറ്റായി മനസ്സിലാക്കിയത് കൊണ്ടാണ് മുഹമ്മദ് വെറുമൊരു സാദാ ഗ്രാമീണ അറബിയായിരുന്നു എന്ന നിഗമനത്തിലേക്ക് താങ്കള്‍ എത്തിയത് എന്ന് താങ്കളെയും സമാനമനസ്‌കരെയും മനസ്സിലാക്കി തരികയാണ് ഞങ്ങള്‍. വെറുതെ ഒന്നറിയാനാണ് ഏത് ഹദീസിലാണ് നബി നടത്തിയ ആ കൊള്ളയുടെ കാര്യം പറഞ്ഞത് എന്നൊന്ന് പറഞ്ഞ് തന്നാല്‍ നന്നായിരുന്നു.ഏത് ചരിത്ര ഗ്രന്ഥത്തില്‍ ? ഏത് ഖുര്‍ആന്‍ സൂക്തത്തില്‍?
'അതു തന്നെയാണു പ്രശ്നം.
പ്രവാചകനല്ലാത്ത ഒരാള്‍ പ്രവാചകനാണെന്നും അദ്ദേഹം പറയുന്നതൊക്കെ ദൈവം പറയുന്നതാണെന്നുമുള്ള മൂഡവിശ്വാസംതന്നെയാണെല്ലാ പ്രശ്നങ്ങള്‍ക്കും കാരണം.'
മാഷെ താണുകേണു ചോദിക്കുകയാ.. ഇതുമൂലമുണ്ടായ പ്രശ്‌നങ്ങളെ ഒന്ന് വിശദീകരിച്ചു തരുമോ? ഞങ്ങളെങ്ങനെയാണ് പ്രശ്‌നക്കാരാകുന്നത് എന്നറിഞ്ഞാലല്ലേ ഞങ്ങള്‍ക്ക് തിരുത്താന്‍ കഴിയൂ.
'നബി ഒട്ടകപ്പുറത്തു യാത്ര ചെയ്തു എന്നു പറയുമ്പോള്‍ അദ്ദേഹത്തെ നാം കൊച്ചാക്കുന്നു എന്ന് ആര്‍ക്കും തോന്നാനിടയില്ല. എന്നാല്‍ നമ്മളെല്ലാരും ഇക്കാലത്തും ഒട്ടകപ്പുറത്തേ യാത്ര ചെയ്യാവൂ, അതാണു സുന്നത്ത് എന്ന് ആരെങ്കിലും പറഞ്ഞാല്‍ ഇന്ന് അതാകും അശ്ലീലം!'
പ്രവാചകന്റെ ചര്യയില്‍ മറ്റുള്ളവര്‍ പിന്തുടരേണ്ടതും പ്രവാചകന് പ്രത്യേകമായതും പിന്തുടരല്‍ ആവശ്യമല്ലാത്തതും ഉണ്ട് എന്ന് മാത്രം തല്‍കാലം മനസ്സിലാക്കുക. ഞങ്ങള്‍ക്ക് ഇത്ര പ്രയാസപ്പെടേണ്ടി വരുന്നത്. താങ്കള്‍ക്ക് ഇസ്്‌ലാമിനെ ക്കുറിച്ച് സാമാന്യ വിശ്വാസികള്‍ക്കുള്ള അറിവ് താങ്കള്‍ പ്രകടിപ്പിക്കാത്തത് കൊണ്ടാണ്. (ഇല്ലാത്തത് കൊണ്ട് എന്ന് എനിക്ക് പറയാനാവില്ലല്ലോ?)
'അറേബ്യന്‍ കഥകളിലെല്ലാം തന്നെ മുഖ്യ കഥാപാത്രവും വില്ലനുമായി പ്രത്യക്ഷപ്പെടുന്നത് ജിന്നുകളാണ്. ജിന്ന് പിശാച് മലക്ക് തുടങ്ങിയ അന്ധവിശ്വാസങ്ങള്‍ അറബ് ജീവിതത്തിന്റെ ഒഴിച്ചുകൂടാനാവാത്ത സാന്നിധ്യമയിരുന്നു. സ്വാഭാവികമായും മുഹമ്മദും ഈ വിശ്വാസങ്ങളെ ആവാഹിച്ചിരുന്നു. അതൊക്കെ കുര്‍ ആനിലും ഹദീസിലും സ്ഥാനം പിടിച്ചു.'
മലക്കുകളും ജിന്നുകളും ദൈവത്തിന്റെ സൃഷ്്ടികളാണ്. പിശാചാകട്ടേ ജിന്നിലും മനുഷ്യനിലും പെട്ട ദൈവദാസന്‍മാരെ വഴിതെറ്റിക്കുന്നവര്‍ക്ക് ഉപയോഗിക്കുന്ന പദവും. ഇതുമായി ബന്ധപ്പെട്ട് അറബികളിലുണ്ടായിരുന്ന ഒരു അന്ധവിശ്വാസവും പ്രവാചകനെ ആവാഹിച്ചിട്ടില്ല. ഖുര്‍ആനിലുമില്ല. വേണമെങ്കില്‍ അല്ലാഹുവിലുള്ള വിശ്വാസം പോലെ തള്ളിക്കളയാം.
@ Latheef:
[മലക്കുകളും ജിന്നുകളും ദൈവത്തിന്റെ സൃഷ്്ടികളാണ്. പിശാചാകട്ടേ ജിന്നിലും മനുഷ്യനിലും പെട്ട ദൈവദാസന്‍മാരെ വഴിതെറ്റിക്കുന്നവര്‍ക്ക് ഉപയോഗിക്കുന്ന പദവും. ഇതുമായി ബന്ധപ്പെട്ട് അറബികളിലുണ്ടായിരുന്ന ഒരു അന്ധവിശ്വാസവും പ്രവാചകനെ ആവാഹിച്ചിട്ടില്ല. ഖുര്‍ആനിലുമില്ല. വേണമെങ്കില്‍ അല്ലാഹുവിലുള്ള വിശ്വാസം പോലെ തള്ളിക്കളയാം.]
ഇത് ഒന്നുകൂടി വിശദമാക്കാമോ ? പിശാചിനെ ആരാണ് സൃഷ്ടിച്ചത് എന്നതിനെക്കുറിച്ച് വിശുദ്ധ ഗ്രന്ഥത്തിൽ എന്താണ് പറയുന്നത്. ലോകത്തിലെ എല്ലാം ദൈവം തന്നെയല്ലെ സൃഷ്ടിച്ചിട്ടുള്ളത്.
ckLatheef : താങ്കളുടെ റെഫറന്‍സിനായി ,
വേദങ്ങള്‍ മഹാമ്മദം എന്ന് വിളിച്ച സാക്ഷാല്‍ മുഹമ്മദ് നബി. എന്ന പരാ‍മര്‍ശവുമായി ബന്ധമുള്ള ചര്‍ച്ചകള്‍ ഇവിടെ കാണാം. താങ്കള്‍ ഹിന്ദു പുരാണങ്ങളെ അംഗീകരിക്കുന്നതില്‍ സന്തോഷം.
http://swakaryangal.blogspot.com/2009/05/blog-post.html
http://paarthans.blogspot.com/2009/06/blog-post.html
ലതീഫേ ! ഇതൊക്കെ രെത്രയോ തവണ പറഞ്ഞതാണ്.
ഇതാ ഇവിടെയും
പിശാചാകട്ടേ ജിന്നിലും മനുഷ്യനിലും പെട്ട ദൈവദാസന്‍മാരെ വഴിതെറ്റിക്കുന്നവര്‍ക്ക് ഉപയോഗിക്കുന്ന പദവും.
---------
(:
---------
O Children of Adam! Let not Satan seduce you as he caused your (first) parents to go forth from the Garden and tore off from them their robe (of innocence) that he might manifest their shame to them. Lo! he seeth you, he and his tribe, from whence ye see him not. Lo! We have made the devils protecting friends for those who believe not.[അ അറാഫ്-27]
-------
ആദമിനെയും ഹവ്വായെയും പിഴപ്പിച്ചത് ഏതു ചെകുത്താന്‍?
(ജിഹാദ് പേജ് 189)
-----
ഇങ്ങനെയും ഒരു ഹദ്ദിസ് ഗ്രന്ഥമുണ്ടോ?
പിശാചിനെ ആരാണ് സൃഷ്ടിച്ചത് എന്നതിനെക്കുറിച്ച് വിശുദ്ധ ഗ്രന്ഥത്തിൽ എന്താണ് പറയുന്നത്.
---------
We have made the devils ....
പാര്‍ഥന്‍ ശ്രദ്ധിച്ചില്ലേ?
'പിശാചിനെ' അല്ലാഹു സൃഷ്ടിച്ചിട്ടില്ല. സൃഷ്ടിച്ചത് ജിന്നുകളെയാണ്. അതിലൊരു സംഘം ആദമിന് സുജൂദ് ചെയ്യാന്‍ വിസമ്മതിച്ചു. ഇബ്ലീസ് ആയിരുന്നു അവരുടെ നേതാവ്. അങ്ങനെ അവര്‍ സൃഷ്ടാവിന്റെ കൊപത്തിന്നിരയായി. അവരാണ് 'പിശാചുക്കള്‍ ' (ശയാത്വീന്‍) ആയ്‌ മാറിയത്. ഇവിടെ ഞാന്‍ സൃഷ്ടിച്ചിട്ടില്ല എന്ന് അല്ലാഹു പറയുമോ? സ്വന്തം മകന്‍ വഴി പിഴച്ചു പോയാല്‍ ഒരച്ചന് പറയാനാകുമോ അവന്‍ എന്റെ മകനല്ല എന്ന്? ഇബ്ലീസ് എന്നത് മനുഷ്യനെ പോലെ ഒരു വ്യക്തിത്വം തന്നെയാണ്. "അങ്ങേയറ്റം നിരാശപ്പെട്ടവന്‍" എന്നതാണ് ആ വാകിനര്‍ത്ഥം തന്നെ!മനുഷ്യരെ വഴി പിഴപ്പിക്കാന്‍ എന്തിനു ദൈവം പിശാചിനെ പടച്ചു എന്ന് യുക്തിവാദം ഉന്നയിക്കുന്നവരോടാണ് ഞാനീപ്പറഞ്ഞത്‌. തന്റെ യഥാര്‍ത്ഥ ആരാധകരെ വഴിപിഴപ്പിക്കാന്‍ ഇബ്ലീസിനു ആവില്ല എന്ന് ഉറപ്പുള്ള റബ്ബ് ഇബ്ലീസിന്റെ അപേക്ഷ പ്രകാരം അവനും കൂട്ടാളികള്‍ക്കും അന്ത്യ നാള്‍ വരെ സമയം നല്‍കുകയാനുണ്ടായത്. അവന്‍ വഴി പിഴപ്പിക്കുന്നതാകട്ടെ വിശ്വാസം ചങ്കില്‍ നിന്ന് താഴോട്ട് ഇറങ്ങാത്തവരെയും!
പ്രത്യേക തരം തീയില്‍ നിന്ന് (മാരിജ്‌) സൃഷ്ടിക്കപ്പെട്ട ഒരു വിഭാഗം ജിന്ന് വര്‍ഗം ആദമിനെ സുജൂദ് ചെയ്യാന്‍ വിസമ്മതിച്ച കാരണം ആദം കേവലം മണ്ണില്‍ നിന്നാണ് സൃഷ്ടിക്കപ്പെട്ടത് എന്നതായിരുന്നു. ഒരു തരത്തില്‍ പറഞ്ഞാല്‍ അഗ്നേയമായ അസ്തിത്വത്തിന്റെ പേരില്‍ ശുദ്ധ ഡംഭ്! ജിന്നുകളുടെ കഴിവുകള്‍ വെച്ച് നോക്കുമ്പോഴും ചില പ്രത്യേക കഴിവുകളാല്‍ അനുഗ്രഹിക്കപ്പെട്ടവരാണ് അവരെന്ന് കാണാന്‍ കഴിയും, ഉദാ: ശക്തി, ദ്രുത ഗതിയിലുള്ള ചലനം, അഗോചരമായി എത്താനുള്ള കഴിവ് മുതലായവ. അവരുടെ യുക്തിവാദം അന്ന് അതായിരുന്നു. എന്നാലും അല്ലാഹുവിന്റെ ശക്തിയെ തള്ളിപ്പറയാതിരിക്കാനുള്ള അറിവും ബുദ്ധിപരമായ വളര്‍ച്ചയും ധിക്കാരികളായ ആ ജിന്ന് കൂട്ടതിനുണ്ടായിരുന്നു! അത് കൊണ്ടാണ് 'നിന്റെ നല്ലവരായ ദാസന്മാര്‍ ഒഴിച്ച്' സകല മനുഷ്യരെയും വഴിപിഴപ്പികുമെന്നു ഇബലീസ് പ്രഖ്യാപിച്ചത്. അതില്‍ തന്നെയും മനുഷ്യനെ നിര്‍ബന്ധ പൂര്‍വ്വം വഴി പിഴപ്പിക്കാന്‍ ഈ ധിക്കാരി ജിന്നുകള്‍ക്ക്‌ കഴിവില്ല. സ്വയം ആ മാര്‍ഗം തെരെഞ്ഞെടുക്കുന്നവര്‍ക്ക് മാത്രമേ ഇബ്ലീസിനെ ത്രിപ്തിപ്പെട്താനാവൂ!
ജിന്ന്, മലക്ക് , ഉലക്ക എന്നിവയിലൊക്കെ വിശ്വാസമുള്ളവര്‍ ഇന്നും ഈ സാക്ഷര കേരളത്തിലുണ്ടല്ലേ! മാത്രമല്ല അത്തരം ആനമണ്ടത്തരങ്ങളൊക്കെ ബ്ലോഗില്‍ വന്നു വിളമ്പുകയും ചെയ്യുന്നു! ഹാവു ഞാന്‍ പണ്ടേ ഈ പഞ്ചായത്ത് വിട്ടത് എത്ര നന്നായി.
ജിന്ന്, മലക്ക്, ശൈത്താൻ, ഇബ്ലീസ് തുടങ്ങിയവ ഖുർആനിലെ ആകുമ്പോൾ സംശയത്തിനിടയില്ലല്ലോ. എവിടെയെങ്കിലും വച്ച് കാണാൻ ശ്രമിക്കാം.
-----------------------------
കുറെ മുമ്പ് ചിന്തകന് ഒരു കമന്റിട്ടതാണ് താഴെ കോപ്പി ചെയ്തിട്ടുള്ളത്.
-------------------------------
@ചിന്തകൻ:
നീ എന്റെ ഭക്തനാവുക (ഗീത)
നീ എന്നിൽ മാത്രം വിശ്വസിക്കുക (ഖുർ‌ആൻ)
നീ നിന്റെ ബുദ്ധിയിൽ (ഏതു രൂപത്തിൽ)
ശ്രദ്ധയുള്ളവനായി ചിന്തിക്കുന്നുവോ / പ്രവർത്തിക്കുന്നുവോ, നീ അതായിത്തീരും. ദൈവമാണെങ്കിലും, ചെകുത്താനാണെങ്കിലും എല്ലാം നിന്നിൽ തന്നെ.
“അഹം ബ്രഹ്മാസ്മി” – നീ നിന്റെ ശുദ്ധമായ ഉണ്മയെ അറിയുക. നീ ആരാണെന്ന് അറിയാൻ ശ്രമിക്കുക.
സ്വന്തം മകന്‍ വഴി പിഴച്ചു പോയാല്‍ ഒരച്ചന് പറയാനാകുമോ അവന്‍ എന്റെ മകനല്ല എന്ന്? ....
------------
വഴി പിഴച്ചു പോയ മകനെ നോക്കി നെടുവീര്‍പ്പിടുന്ന നിസ്സഹായനായ ഒരച്ഛനാണപ്പോള്‍ സര്‍വ്വശക്തനായ ദൈവം !!
പാവം!
നിസ്സഹായനായ സര്‍വ്വശക്തന്‍ !!!
നമ്മുടെ നാട്ടിലെ ഭൂതം, പ്രേതം, കുട്ടിച്ചാത്തന്‍, ആനമറുത, പൊട്ടി, കരിംകുട്ടി, ഒടിയന്‍,....ഇത്യാദികള്‍ക്ക് അറബികള്‍ പൊതുവില്‍ പറഞ്ഞു വന്ന പേരാണു ജിന്ന്.മരുഭൂമിയിലെ വിജനതയില്‍ അവര്‍ക്കജ്ഞാതമായ പല പ്രതിഭാസങ്ങളും പ്രാകൃതര്‍ കാണുകയും അനുഭവിക്കുകയും ചെയ്തിരുന്നു. ശാസ്ത്രീയമായി അതൊന്നും വ്യാഖ്യാനികാനുള്ള അറിവില്ലാത്ത കാല‍ത്ത് അതെല്ലാം ഏതോ അദൃശ്യ സത്വങ്ങളുടെ ലീലാകളാണെന്നവര്‍ നിരൂപിച്ചു. അതിനവര്‍ ജിന്ന് എന്നു പേരിട്ടു. പാമ്പും കറുത്ത പട്ടിയുമൊക്കെ ജിന്നുകളാണെന്നായിരുന്നു മുഹമ്മദും കൂട്ടരും വിശ്വസിച്ചിരുന്നത്. ഈ മൂഡവിശ്വാസങ്ങളൊക്കെ സത്യമാണെന്ന് അവരുടെ ദൈവങ്ങളും കരുതി.
പാവം വിവരം കെട്ട സര്‍വ്വജ്ഞാനി !
ഉത്തരം മുട്ടുമ്പോള്‍ പരിഹാസം!
പാര്‍ത്ഥന്‍, സമിതം, ചിന്തകന്, ജബ്ബാര്‍ മാഷ്,ശെബു, ഡോ. രണ്ടുദിവസം നിങ്ങളുമായി ബന്ധപ്പെടാന്‍ കഴിഞ്ഞില്ല. നിങ്ങള്‍ സൂചിപ്പിച്ച കാര്യങ്ങളോട് എന്റെ അഭിപ്രായങ്ങള്‍ തുടര്‍ന്ന് വായിക്കാം. ഞാന്‍ സൂചിപ്പിച്ച വിഷയങ്ങള്‍ക്ക് ഉചിതമായ ലിങ്ക് നല്‍കിയ സ്മിതം, ചിന്തകന്, ജബ്ബാര്‍ മാഷ് എന്നിവര്‍ക്ക് പ്രത്യേകം നന്ദി. നിങ്ങളുടെ ലിങ്കുകള്‍ റെഫര്‍ ചെയ്ത് മൊത്തത്തില്‍ അവയോടുള്ള പ്രതികണം ഞാന്‍ സൂചിപ്പിക്കും.
പാര്‍ത്ഥന്‍ ഒന്നുകൂടി കാര്യങ്ങള്‍ ശ്രദ്ധിച്ച് വായിച്ചിരുന്നുവെങ്കില്‍. പിശാച് ഒരു പ്രത്യേക സൃഷ്ടിയല്ല. മനുഷ്യന് പിശാചായി മാറുകയാണ് അവന്റെ പ്രവര്‍ത്തനങ്ങളിലൂടെ. ചോദ്യത്തിന്റെ ശൈലികണ്ടിട്ട് ഇത്രമാത്രമേ ഇതിന് മറുപടിയായി ആവശ്യമൂള്ളൂ എന്ന് കരുതുന്നു.
'(ജിഹാദ് പേജ് 189)
ഇങ്ങനെയും ഒരു ഹദ്ദിസ് ഗ്രന്ഥമുണ്ടോ?'
മാഷിന്റെ സംശയം ശരിയാണ് അങ്ങനെ ഒരു ഗ്രന്ഥമില്ല. പ്രസ്തുത സംഭവവും ഹദീസും പോസ്റ്റിന്റെ തുടക്കം മുതല്‍ മൗദൂദിയുടെ അല്‍ജിഹാദു ഫില്‍ ഇസ്്‌ലാമിന്റെ പരിഭാഷയായ ജിഹാദ് എന്ന പേരില്‍ ഐ.പി.എച്ച് പുറത്തിറക്കിയ പുസ്തകത്തില്‍ നിന്നുള്ളതാണ്. ഇന്‍വെര്‍.കോമ നഷ്ടപ്പെട്ടതാണ്.
കുറേകൂടി നിലവാരത്തിലും സത്യസന്ധമായും മാഷ് വിഷയം കൈകാര്യം ചെയ്യാന്‍ തയ്യാറാകുമെങ്കില്‍ ഹദീസ് ഗ്രന്ഥങ്ങളില്‍ നിന്ന് നേരിട്ടുതന്നെ ഹദീസ് ഉദ്ധരിക്കുന്നതായിരിക്കും.
@ Latheef :
പാര്‍ത്ഥന്‍ ഒന്നുകൂടി കാര്യങ്ങള്‍ ശ്രദ്ധിച്ച് വായിച്ചിരുന്നുവെങ്കില്‍. പിശാച് ഒരു പ്രത്യേക സൃഷ്ടിയല്ല. മനുഷ്യന് പിശാചായി മാറുകയാണ് അവന്റെ പ്രവര്‍ത്തനങ്ങളിലൂടെ.
ഈ മുകളിൽ പറഞ്ഞകാര്യം ഞാൻ വിശ്വസിച്ചു. ദൈവമാണ് പിശാചിനെ ഉണ്ടാക്കിയത് എന്ന കാര്യം ഇനി പറയുന്നില്ല.
പക്ഷെ ഞാൻ മുകളിൽ കോട്ടു ചെയ്തത് ഇങ്ങനെയാണ് :
“ദൈവമാണെങ്കിലും ചെകുത്താനാണെങ്കിലും എല്ലാം നിന്നിൽ തന്നെ.”
ദ്വന്ദ്വങ്ങളെ പിരിക്കാൻ കഴിയില്ല. താങ്കൾ അതിൽ നിന്നും ഒന്നിനെ വേർപെടുത്തിയാണ് പറയുന്നത്. അവിടെ യുക്തി ഇല്ലാതാകുന്നു.
നിങ്ങൾ ചെകുത്താനിൽ നിന്നും രക്ഷനേടാൻ പ്രാർത്ഥിക്കുമ്പോൾ, ദൈവത്തിനെക്കാൾ മുമ്പ് ചെകുത്താൻ ഉണരും. ചെകുത്താൻ ഉണരാതിരിക്കണമെങ്കിൽ അതിനെക്കുറിച്ച് ചിന്തിക്കാതിരിക്കണം, പറയാതിരിക്കണം.
Latheef, if you expect decency, you will be disappointed for sure. There was a person who doesn’t even believe in "Ulakka" and he had a funny name starting with “Dr”! When we give proper answer to any question, they used to twist the topic or craft fun out of it. That’s why Jabbar master quotes question answers from Gaffar Moulavi’s fatwa book etc. Prophet Muhammad SA established ISLAM in just 23 years but these people are claiming to be working for Atheism for last 30 years or more with a few numbers of followers that can be counted by your right hand fingers.
ശെബു പിശാച്, ജിന്ന് എന്നിയെക്കുറിച്ച് വിശദീകരിച്ചിരിക്കുന്നു. അദ്ദേഹം അതുകൊണ്ട് ഒരിക്കലും യുക്തിവാദികളായ നിരീശ്വരവാദികളെ ഉദ്ദേശിച്ചിട്ടില്ല എന്നനിക്ക് ഉറപ്പിച്ചു പറയാന്‍ കഴിയും. കാരണം ഈ പ്രപഞ്ചത്തിന്റെ സ്രഷ്ടാവിനെ നിഷേധിക്കുന്നവര്‍ക്ക് ജിന്നിലും മലക്കിലും എങ്ങനെ വിശ്വസിക്കാന്‍ കഴിയും. വിശ്വാസികളായ ഞങ്ങള്‍ തന്നെ പ്രവാചകനില്‍ വിശദീകരിച്ച് തന്നത് കൊണ്ടാണ് അത്തരം കാര്യങ്ങളില്‍ വിശ്വസിക്കുന്നത്. ഇസ്‌ലാമിനെക്കുറിച്ച് ജബ്ബാര്‍മാഷ് പറയുന്നത് അണ്ണാക്ക് തൊടാതെ വിഴുങ്ങുന്ന യുക്തിവാദി സുഹൃത്തുക്കളുണ്ടല്ലോ. അവരുടെ അന്ധമായ വിശ്വാസത്തിനും കനത്തവിലയാണ് മരണശേഷം നല്‍കേണ്ടിവരിക എന്ന് വേദഗ്രന്ഥം മുന്നറിയിപ്പ് നല്‍കുന്നുണ്ട് എന്ന് വിനയപൂര്‍വം അറിയിക്കട്ടേ. പക്ഷേ ഞങ്ങള്‍ വിശ്വാസികള്‍ക്ക് പ്രവാചകനെ ഇക്കാര്യങ്ങള്‍ക്ക് വിശ്വസിക്കാമെന്ന് ബോധ്യം വന്നിരിക്കുന്നു. എങ്ങനെയെന്ന് നിങ്ങള്‍ക്ക് ചോദിക്കാം. പക്ഷേ അങ്ങനെ വിശ്വസിക്കുന്നവരെ പരിഹസിക്കുന്നതിന് മുമ്പ് പരിഹസിക്കുന്നവര്‍ അതിനെ നിഷേധിക്കുന്നത് ആരെ വിശ്വസിച്ചിട്ടാണ് എന്ന് സ്വയം ചിന്തിക്കുന്നത് നന്നായിരിക്കും.
പാര്‍ത്ഥന്‍ താങ്കളുദ്ധരിച്ച വചനം ആരുടേതാണ് എന്ന് എനിക്കറിയില്ല. ബ്ലോഗിലെവിടെയും സൂചിപ്പിച്ചിട്ടുമില്ല. ഇസ്ലാമില്‍ അത്തരം വചനം ഇത് വരെ കേട്ടിട്ടില്ല. ആ വചനം എങ്ങനെ വ്യാഖ്യാനിക്കുന്നു എന്നതിനെ ആശ്രയിച്ചിരിക്കും ഇസ്ലാമിക ദൃഷ്ട്യാ സ്വീകാര്യമോ അല്ലയോ എന്നറിയുന്നതിന്. മനസില്‍ ദുഷിച്ച ചിന്തവരുമ്പോള്‍ അത് പിശാചില്‍ നിന്നാണ് എന്നറിയുക. പിശാചില്‍ നിന്ന് ദൈവത്തിങ്കല്‍ അഭയം തേടുക. അതോടെ അതില്‍ നിന്ന് വിട്ട് നില്‍ക്കണമെന്ന ശക്തമായ ബോധം വിശ്വാസിയിലുണ്ടാകുന്നു. ഇസ്ലാം ഇത്ര ലളിതമായിട്ടാണ് കാര്യങ്ങള്‍ വിശദീകരിക്കുന്നത്. പിശാച് എന്ന പദം ഒരു പ്രതീകം മാത്രമാകാം. പിശാച് എന്ന മൂര്‍ത്തമായ ഒരു സൃഷ്്ടിയില്ല. മനുഷ്യരും അദൃശ്യരായ ജിന്നുകളും മാത്രമേ സൃഷ്ടികളായി ഉള്ളൂ. പരിഹസിക്കുന്നവര്‍ക്ക്് പരിഹസിക്കാനും ഇസ്ലാമിക വീക്ഷണത്തില്‍ കാര്യങ്ങളെ ഗ്രഹിക്കാനാഗ്രഹിക്കുന്നവര്‍ക്ക് അതിനും മുകളില്‍ നല്‍കിയ വിശദീകരണം ഉപയോഗപ്പെടുത്താം.
ആളുകള്‍ നിന്ദ്യരാകുന്നതും ബഹുമാന്യരാകുന്നതും അവരുടെ വാക്കുകളിലൂടെയാണ്. ബ്ലോഗില്‍ അവര്‍ എഴുതിവിടുന്ന വചനങ്ങളിലൂടെ. അനോണിയെ മാഷ് അനുവദിക്കാത്തതിനാല്‍ എന്തെങ്കിലും പേര്‍ എഴുതിവിടുകയാണ് എന്നറിയാതെയല്ല. ടിയാന് കേരളത്തില്‍ ഒരു വിഭാഗം ജിന്നുകളിലും മലക്കുകളില്‍ വിശ്വസിക്കുന്നു എന്നത് പുതിയ അമ്പരപ്പിക്കുന്ന അറിവാണത്രേ. അപ്പോള്‍ ഠ വട്ടത്തില്‍ കറങ്ങുന്നവര്‍ വിശ്വാസികളില്‍ ചിലര്‍ മാത്രമല്ല എന്ന് ജബ്ബാര്‍ മാഷ് മനസ്സിലാക്കട്ടേ.
മാഷ് ഇസ്ലാം പഠിച്ചത് ഇസ്്‌ലാമിനെ വികൃതാമായി അവതരിപ്പിച്ച ഓറിയന്റലിസ്റ്റുകളില്‍ നിന്ന്. രണ്ടാമത്തെ സ്രോതസ് തന്റെ കുഗ്രാമത്തിലെ സാധാരണ പാരമ്പര്യ മതവിശ്വാസികളില്‍ നിന്ന്. അത് അറബികളിലേക്ക് ചേര്‍ത്ത് പറഞ്ഞ് തന്റെ രണ്ടാമത്തെ അറിവിന്റെ സ്രോതസിനെ മറച്ചുപിടിക്കാന്‍ അദ്ദേഹം പരിശ്രമിക്കുകയും ചെയ്യുന്നു.
@ Latheef :
ഞാൻ പറഞ്ഞത് അദ്വൈതത്തിന്റെ ഭാഷയാണ്. ഇസ്ലാമിക ചിന്തകൾ അവിടെ വരെ എത്തിയിട്ടില്ല. വേർപെടുത്താൻ പറ്റാത്ത ചില ദ്വന്ദ്വങ്ങൾ ഉണ്ട്. രാത്രി-പകൽ, നന്മ-തിന്മ, വെളിച്ചം-ഇരുട്ട്, സുഖം-ദുഖം, സാത്വികം-ആസുരികം ഇങ്ങനെ കുറെയുണ്ട്. ഇതിനെ വേർപ്പെടുത്താൻ ആരെക്കൊണ്ടും കഴിയില്ല.
താങ്കൾ പറഞ്ഞത് ശരിയാണ്.
“പിശാച് എന്ന പദം ഒരു പ്രതീകം മാത്രമാകാം.“
ജിന്ന് - ഉന്നതമായ സൌന്ദര്യത്തിന്റെ പ്രതീകമാകാം.
ദൈവം - നന്മയുടെ നിറവിന്റെ സ്നേഹത്തിന്റെ പ്രതീകമാവാം.
@ Latheef :
ഞാൻ പറഞ്ഞത് അദ്വൈതത്തിന്റെ ഭാഷയാണ്. ഇസ്ലാമിക ചിന്തകൾ അവിടെ വരെ എത്തിയിട്ടില്ല. വേർപെടുത്താൻ പറ്റാത്ത ചില ദ്വന്ദ്വങ്ങൾ ഉണ്ട്. രാത്രി-പകൽ, നന്മ-തിന്മ, വെളിച്ചം-ഇരുട്ട്, സുഖം-ദുഖം, സാത്വികം-ആസുരികം ഇങ്ങനെ കുറെയുണ്ട്. ഇതിനെ വേർപ്പെടുത്താൻ ആരെക്കൊണ്ടും കഴിയില്ല.
താങ്കൾ പറഞ്ഞത് ശരിയാണ്.
“പിശാച് എന്ന പദം ഒരു പ്രതീകം മാത്രമാകാം.“
ജിന്ന് - ഉന്നതമായ സൌന്ദര്യത്തിന്റെ പ്രതീകമാകാം.
ദൈവം - നന്മയുടെ നിറവിന്റെ സ്നേഹത്തിന്റെ പ്രതീകമാവാം.
മാഷെ നിങ്ങള്‍ നല്‍കിയ ലിങ്കുകള്‍ വായിച്ചു. ലജ്ജാകരം എന്ന് എന്തിനെയെങ്കിലും വിശേഷിപ്പിക്കുന്നെങ്കില്‍ അതിനെയായിരിക്കണം അതിന് അവിടെ ഞാന്‍ ദൈവം അനുഗ്രഹിച്ചാല്‍ മറുപടിപറയും. കാടടച്ചുള്ള വെടി എന്നതിന് അടിവരയിടുന്നു ആ ലേഖനം. ഒന്നോ രണ്ടോ ഹദീസ് ഉദ്ധരിക്കുന്നതിന് പകരം ചരിത്രത്തിന്റെ ഒരു വശം മാത്രം എടുത്ത് പറയുന്നതിലൂടെ താങ്കള്‍ ആരോഗ്യകരമായ സംവാദത്തിന്റെ കടക്കല്‍ കത്തിവെക്കുകയാണ്. ഇത് മടുത്തിട്ടാണ് മറുപടി എഴുതാന്‍ കഴിയുന്നവര്‍ പെട്ടെന്ന് സ്ഥലം വിടുന്നത് എന്ന് നിങ്ങള്‍ക്കറിയാം. ദയവായി അതൊരു ആഘോഷമായി മാറ്റുന്നതും ജനങ്ങള്‍ തിരിച്ചറിയും എന്ന് മാത്രം പറയട്ടേ. താങ്കളുടെ ബ്ലോഗിന് യോജിച്ച ബാനര്‍. പക്ഷേ അത് കാണുമ്പോള്‍ ആളുകള്‍ക്ക് നിങ്ങളെക്കുറിച്ച് മതിപ്പ് കൂടും എന്നാണ് താങ്കളുടെ വിശ്വാസമെങ്കില്‍ താങ്കള്‍ക്ക് ആളുകളുടെ മനഃശാസ്ത്രമറിയില്ല എന്ന് ഞാന്‍ പറയും. മനുഷ്യന് അവനെ വെച്ച് മറ്റുള്ളവരെ അളക്കുന്നു (അല്‍ മര്‍ഉ യഖീസു അലാ നഫ്‌സിഹി) എന്ന അറബി ചൊല്ല് താങ്കള്‍ കേട്ടാലും ഇല്ലങ്കിലും താങ്കള്‍ അതാണ് ചെയ്തുകൊണ്ടിരിക്കുന്നത്. ഇത്ര നിന്ദ്യവും നികൃഷ്ടവുമാണ് യുക്തിവാദികളുടെ മനസ്സ് എന്ന് മാത്രം തല്‍കാലം ഞങ്ങള്‍ വിശ്വാസികള്‍ അതില്‍ നിന്ന് മനസ്സിലാക്കിക്കൊള്ളട്ടേ.
പാര്‍ത്ഥന്‍ ഞാന്‍ പറയുന്നത് വെച്ച് താങ്കള്‍ നിരീശ്വരത്തിലേക്കും ജിന്ന് നിഷേധത്തിലേക്കും എത്താന്‍ ശ്രമിക്കുകയാണോ. എങ്കിലും താങ്കളുടെ ശൈലി മാഷേക്കാള്‍ മികച്ചത്. മാഷ് ഇസ്ലാമിന്റെ വചനങ്ങളെ വികൃതമായി വ്യാഖ്യാനിച്ചാണ് ആ കടമ നിര്‍വഹിക്കുന്നത്.
ഇസ്്‌ലാം ഒരു ജീവിതദര്‍ശനമാണ് മനുഷ്യനെ സംബന്ധിക്കുന്ന കാര്യങ്ങള്‍ ലളിതമായി അവതരിപ്പിക്കുയാണ് അതിന്റെ ശൈലി. എങ്കിലും ഇസ്്‌ലാമിക ചിന്തകര്‍ക്ക് അതൊക്കെ മനസ്സിലാകും എന്ന് തന്നെയാണ് ഞാന്‍ കരുതുന്നത്.
'വഴി പിഴച്ചു പോയ മകനെ നോക്കി നെടുവീര്‍പ്പിടുന്ന നിസ്സഹായനായ ഒരച്ഛനാണപ്പോള്‍ സര്‍വ്വശക്തനായ ദൈവം !!'
ജബ്ബാര്‍ മാഷ് നാം മനുഷ്യരാണ്. മനുഷ്യഭാഷ മാത്രമേ നമ്മുക്കറിയൂ. അല്ലാഹു കാര്യങ്ങള്‍ നമ്മുക്ക് വ്യക്തമാക്കിത്തരുന്നതും നമ്മുക്കറിയുന്ന ഭാഷയിലാണ്. അത്തരം ഉപമകളില്‍ പിടികൂടാതെ... വിഷയദാരിദ്ര്യം അനുഭവപ്പെടുന്നുണ്ടോ. അതോ ഉത്തരം മുട്ടുന്നുവോ.
ഭൌതിക വാദികളുടെ എല്ലാ അസുഖങ്ങള്‍ക്കും ഇസ്ലാമിക പണ്ഡിതന്മാര് മരുന്ന് കുറിച്ച് കൊടുത്തതാണ്, കാപട്യം ഒഴികെ. അത് മാറണമെങ്കില്‍ സ്വയം തീരുമാനിക്കണം!
മുക്രിയുടെ ബാങ്ക് വിളിയും, ഗഫാര്‍ മൌലവിയുടെ പുസ്തകവും, കാരക്ക കാരണം നാട്ടിലെ വിളകള്‍ക്ക് ക്ഷീണം പറ്റുന്നതും ഒക്കെയാണ് യുക്തി വാദി നേതാവിന്റെ വിഷയമെന്കില്‍ പിന്നെ അണികളുടെ അവസ്ഥ എന്തായിരിക്കും? യഥാര്‍ത്ഥ ചര്‍ച്ചയെ വഴി തെറ്റിക്കാനെ അതുപകരിക്കൂ! മാന്യവും ഗൌരവ പൂര്‍ണവുമായ ആശയ സംവാദത്തിനാണ് പ്രസക്തി!
പാര്‍ത്ഥന്‍ പറയാന്‍ ഉദ്ദേശിച്ചത് ഇതാണെന്ന് തോന്നുന്നു.
“ദൈവവും ചെകുത്താനും ജിന്നും എല്ലാം മനുഷ്യന് തന്നെ.അതായത് സൃഷ്ടിയും സ്രഷ്ടാവും ഒന്നു തന്നെ.(അദ്വൈതം)... അഹം ബ്രഹ്മാസ്മി!
ഞാന്‍ തന്നെ ബ്രഹ്മം..
ഒരുവനിലെ നന്മയെ ഉത്തേജിപ്പിച്ചാല്‍ അയാള്‍ക്ക് ദൈവമാകാം.
ഒരാളിലെ തിന്മയെ ഉത്തേജിപിക്കുമ്പോള്‍
അയാള്‍ക്ക് പിശാചാകുന്നു.“
പ്രിയ പാര്‍ത്ഥനോട് ഒരു ചോദ്യം(സത്യ സന്ധമായ ഒരുത്തരം പ്രതീക്ഷിക്കുന്നു)
താങ്കളുടെ അഭിപ്രായത്തില്‍ ഈ പ്രപഞ്ചവും അതിലെ സകല ചരാചരങ്ങളെയും സൃഷ്ടിച്ചത് ദൈവമാണോ ? അല്ലെങ്കില്‍, അദ്വൈതാചാര്യന്മാര്‍ ഇതിനെ കുറിച്ച് എന്താണ് പറഞ്ഞത്? ദ്വൈതം പറയുന്ന വേദങ്ങളാണോ അതോ അദ്വൈതം പറയുന്ന ആചാര്യന്മാരാണോ ശരി?
ഈ പ്രപഞ്ചത്തിന്റെ സ്രഷ്ടാവിനെ നിഷേധിക്കുന്നവര്‍ക്ക് ജിന്നിലും മലക്കിലും എങ്ങനെ വിശ്വസിക്കാന്‍ കഴിയും. വിശ്വാസികളായ ഞങ്ങള്‍ തന്നെ പ്രവാചകനില്‍ വിശദീകരിച്ച് തന്നത് കൊണ്ടാണ് അത്തരം കാര്യങ്ങളില്‍ വിശ്വസിക്കുന്നത്.
-----------
ഞാന്‍ ഇസ്ലാമിലെ അല്ലറചില്ലറ അന്ധവിശ്വാസങ്ങളെ മാത്രം വിമര്‍ശിക്കുന്നതിനു പകരം അതിന്റെ അടിസ്ഥാന് വിശ്വാസത്തെ ലക്ഷ്യമാക്കി വിമര്‍ശനമുന്നയിക്കുന്നതും ഇതുകൊണ്ടാണ്. ഖുര്‍ ആന്‍ ദൈവം ഇറക്കിയതാണ് എന്ന അന്ധവിശ്വാസം നിലനില്‍ക്കുവോളം ജിന്നും മലക്കും കൂടോത്രവും കണ്ണേറും ശകുനവും ജ്യോത്സ്യവും ...മറ്റും മറ്റും മുസ്ലിംങ്ങള്‍ക്കു സത്യമാകും. എല്ലാ അന്ധവിശ്വാസങ്ങളുടെയും അടിവേരായി നിലകൊള്ളുന്നത് കുര്‍ ആന്റെ ദൈവികതയും മുഹമ്മദിന്റെ പ്രവാചകത്വവുമാണ്. അതിനെ തള്ളിപ്പറയാന്‍ നിവൃത്തിയില്ലാത്തതുകൊണ്ടാണു നിങ്ങള്‍ ജിന്നും മാരണവുമൊക്കെ സത്യമെന്നു വാദിച്ച് സ്വയം പരിഹാസ്യരാകേണ്ടി വരുന്നത്.
പിന്നെ ലതീഫും ഷെബുവുമൊക്കെ വ്യക്തിപരമായ ആക്ഷേപങ്ങളിലേംക്കു തിരിയുന്നതിന്റെ മനശ്ശാസ്ത്രം പിടി കിട്ടുന്നു. എന്റെ കുറിപ്പുകള്‍ മുഴുവന്‍ വായിച്ചിട്ട് ഞാന്‍ ഇസ്ലാം പഠിച്ചത് ഓരിയന്റലിസ്റ്റുകളില്‍നിന്നാണെന്നു കണ്ടു പിടിച്ചത് ആശ്ചരയകരം എന്നേ പറയാനുള്ളു. ഞാന്‍ ഉദ്ധരിക്കുന്നത് ഇസ്ലാമിന്റെ അടിസ്ഥാന‍പ്രമാണമായ കുര്‍ ആനില്‍നിന്നും ഹദീസില്‍നിന്നുമാണെന്നു മനസ്സിലാക്കിയിട്ടും വെറുതെ ഓരിയന്റലിസ്റ്റ് ആരോപണം എന്തിനുന്നയിക്കുന്നു? ബുഖാരി ഉദ്ധരിച്ച ഹദീസുകള്‍ നിങ്ങള്‍ക്ക് ഒരുപാട് ബുദ്ധിമുട്ടുണ്ടാക്കുന്നുണ്ട് അല്ലേ? അതെ, സുഹൃത്തേ അതു തന്നെയാണ് എന്നെ മതനിഷേധത്തിലേക്കു നയിച്ച പ്രധാന സംഗതി. നിങ്ങള്‍ ഇസ്ലാം പഠിക്കുന്നത് ആധുനിക ഇസ്ലാമിസ്റ്റുകള്‍ അവരുടെ യുക്തിയില്‍ മെനഞ്ഞുണ്ടാക്കിയ ന്യായീകരണങ്ങള്‍ മാത്രം വായിച്ചും ഞാന്‍ അടിസ്ഥാന ഗ്രന്ഥങ്ങള്‍ വായിച്ചുമാണ്. അത് ഈ ബ്ലോഗ് വായിക്കുന്ന ഏതൊരു സാമാന്യ ബുദ്ധിക്കും പിടി കിട്ടുന്ന കാര്യവുമാണ്. അതുകൊണ്ട് ഞാന്‍ ഉന്നയിക്കുന്ന വിമര്‍ശനങ്ങളോടു പ്രതികരിക്കുക. എന്റെ അറിവിന്റെ ആധികാരികത വായനക്കാര്‍ തീരുമാനിക്കട്ടെ!
പിശാചിനെ ആരു സൃഷ്ടിച്ചു? എന്ന വിഷയം പ്രത്യേകം തന്നെ ചര്‍ച്ച ചെയ്യാം. അതും ഇസ്ലാമിക വിശ്വാസത്തിലെ ഏറ്റവും പരിഹാസ്യമായ വൈരുദ്ധ്യങ്ങളില്‍ ഒന്നാണ്. കുര്‍ ആനില്‍ അല്ലാഹു തന്നെയാണു പിശാചെന്ന് നൂറു തവണ ആവര്‍ത്തിക്കുന്നുണ്ട്. പിന്നീട് വിശദമായിത്തന്നെ ചര്‍ച്ച ചെയ്യാം.
ചരിത്രത്തിന്റെ ഒരു വശം മാത്രം എടുത്ത് പറയുന്നതിലൂടെ താങ്കള്‍ ആരോഗ്യകരമായ സംവാദത്തിന്റെ കടക്കല്‍ കത്തിവെക്കുകയാണ്.
-------
ചരിത്രത്തിന്റെ മുകാല്‍ പങ്കും പുകമറക്കുള്ളില്‍ ഒളിപ്പിച്ച് ഇല്ലാക്കഥകള്‍ മാത്രം ചരിത്രമാക്കി മാലോകരെ തെറ്റിദ്ധരിപ്പിക്കുക എന്ന പണിയാണിന്ന് ഇസ്ലാമികപ്രചാരകര്‍ ലോകമെമ്പാടും നടത്തുന്നത്. ചരിത്രത്തിന്റെ മറുവശം കൂടി അല്‍പ്പമെങ്കിലും ആളുകള്‍ അറിയട്ടെ ലതീഫേ? ഇനിയുമൊരുപാടുണ്ട് ഉദ്ധരിക്കാന്‍. ടയ്പ് ചെയ്യാന്‍ സമയമില്ലാത്തതുകൊണ്ടാണു മാറ്റിവെക്കുന്നത്. ബുഖാരി യും മുസ്ലിമും തുര്‍മുദിയുമൊക്കെ ആളുകള്‍ വായിച്ചു തുടങ്ങട്ടെ. ഇസ്ലാമിന്റെ തനിസ്വരൂപം എല്ലാവരും മനസ്സിലാക്കട്ടെ. നിങ്ങള്‍ ഉദ്ധരിക്കുന്ന നബിവചനങ്ങള്‍ക്കൊന്നും മേല്‍ വിലാസം പോലും ഇല്ലാത്തതിന്റെ കാരണവും ആളുകള്‍ മനസ്സിലാക്കട്ടെ. ആരാണു കാപട്യം കാണിക്കുന്നതെന്ന് അല്‍പ്പമെങ്കിലും യുക്തിയുള്ളവരൊക്കെ മനസ്സിലാക്കിക്കഴിഞ്ഞു.
ചിന്തകന് പിന്നെയും ദൈവത്തെയും കെട്ടിവലിച്ചുകൊണ്ട് വരുന്നു. അതിന്റെ മനശ്ശാസ്ത്രവും വ്യക്തമാണ്. പാര്‍ഥന്‍ ! ആ കെണിയില്‍ വീഴരുത്.
പുതിയ പോസ്റ്റിട്ടിട്ടുണ്ട്. ‘മതവും സദാചാരവും’
'പിന്നെ ലതീഫും ഷെബുവുമൊക്കെ വ്യക്തിപരമായ ആക്ഷേപങ്ങളിലേംക്കു തിരിയുന്നതിന്റെ മനശ്ശാസ്ത്രം പിടി കിട്ടുന്നു. എന്റെ കുറിപ്പുകള്‍ മുഴുവന്‍ വായിച്ചിട്ട് ഞാന്‍ ഇസ്ലാം പഠിച്ചത് ഓരിയന്റലിസ്റ്റുകളില്‍നിന്നാണെന്നു കണ്ടു പിടിച്ചത് ആശ്ചരയകരം എന്നേ പറയാനുള്ളു. ഞാന്‍ ഉദ്ധരിക്കുന്നത് ഇസ്ലാമിന്റെ അടിസ്ഥാന‍പ്രമാണമായ കുര്‍ ആനില്‍നിന്നും ഹദീസില്‍നിന്നുമാണെന്നു മനസ്സിലാക്കിയിട്ടും വെറുതെ ഓരിയന്റലിസ്റ്റ് ആരോപണം എന്തിനുന്നയിക്കുന്നു? ബുഖാരി ഉദ്ധരിച്ച ഹദീസുകള്‍ നിങ്ങള്‍ക്ക് ഒരുപാട് ബുദ്ധിമുട്ടുണ്ടാക്കുന്നുണ്ട് അല്ലേ? '
ഒരാളുടെ അറിവിനെ ചോദ്യം ചെയ്യുക എന്നത് ഒരു നല്ലകാര്യമായി ഒരിക്കലും കാണുന്നില്ല. അറിവുണ്ടായിട്ട് തെറ്റിദ്ധരിപ്പിക്കുന്നു എന്നതിനേക്കാള്‍ ഒരാളോടുള്ള ഗുണകാംക്ഷയും സദ് വിചാരവും അയാള്‍ക്ക് അറിയാത്തത് കൊണ്ടോ അതല്ലങ്കില്‍ ശരിയായ സ്രേതസ്സില്‍ നിന്ന് പഠിക്കുന്നത് കൊണ്ടോ ആണ് ഇത്തരം അബദ്ധങ്ങള്‍ ആവര്‍ത്തിക്കുന്നത് എന്ന് ധരിക്കുന്നതാണ് ശരിയായ രീതി എന്നാണ് എന്റെ യുക്തിയും വിശ്വാസവും എന്നെക്കൊണ്ട് പറയിപ്പിക്കുന്നത്. താങ്കള്‍ മനസ്സിലാക്കിയ മനശാസ്ത്രം എന്ത് തന്നെയായാലും ഇതായിരുന്നു അതിന്റെ ശരിയായ പ്രേരകം എന്ന് പറയാന്‍ ആഗ്രഹിക്കുന്നു. അത് പോലും അങ്ങയെ വല്ലാതെ വേദനിപ്പിച്ചു അല്ലേ. ആക്ഷേപം ഉദ്ദേശിച്ചില്ല. പ്രവാചകന് ജീവിച്ചിരിപ്പില്ലെങ്കിലും ജീവിച്ചിരിക്കുന്നവരോട് ദീക്ഷിക്കുന്ന മാന്യത മരിച്ചവരോടുള്ള വാക്കുകളോടുമാകാം. എങ്കിലും താങ്കള്‍ക്ക് വിശകരമായി തോന്നിയതില്‍ ക്ഷമചോദിക്കുന്നു. മേലില്‍ ആവര്‍ത്തിക്കാതിരിക്കാന്‍ ശ്രമിക്കാം. ഹദീസ് എത്ര ഉദ്ധരിച്ചാലും ഞങ്ങള്‍ വിശ്വാസികള്‍ക്ക് സന്തോഷമേ ഉള്ളൂ. അത് ഉദ്ധരിച്ച് സ്വയംകൃതവ്യാഖ്യാനങ്ങള്‍ നല്‍കുമ്പോള്‍ അല്‍പം പ്രതിപക്ഷ ബഹുമാനമാകാം എന്നേ ഞാന്‍ ഉദ്ദേശിക്കുന്നുള്ളൂ.
ഹദീസ് സംവാദം ബ്ലോഗില്‍ ഹദീസുകള്‍ ഉദ്ധരിക്കുക മാത്രമേ ചെയ്തിട്ടുള്ളു. സ്വയംകൃത വ്യാഖ്യാനങ്ങളൊന്നും നടത്തിയിട്ടില്ല. അതിന്റെ ആവശ്യമില്ലാത്തവിധം പൂര്‍ണ്ണമാണവയെല്ലാം !
Post a Comment